السلام عليكم
يابنات انا ساكنه بشقه بالسطح ويعتبر السطح لنا بس مقفلته وماستفدت منه شي
ومن كبرو بناتي وبدت السياكل والسيارات تدخل الشقه استضقت بقوه خصوصا الشقه الضيقه والغرف صغيره والسطح تقريبا حليو مو كبير ولا صغير 6في 6 ودي استفيد منه بس يوم شاورت زوجي قال والله ماتستفيدين منه اجواء الرياض غبار في غبار وتقلبات جويه والحين حنا شتاء ماراح تستفيدين واذا جاء الصيف غبار وحر اقول خليه مقفل واذا طلعنا وسكنا بيت يصيرلك خوش يسوى
هو عارضني لانه السطح اسمنت مافيه بلاط يبيله نجيب اللي زي العشب البلاستك ونركب لمبات ونزبط فيه اشياء بسيطه بس هو مستكثرها وبيني وبينك انا ودي وماودي اذا فكرت بالغبار بالصيف تراجعت والحين الجو بارد مايسوى
كل وحده تحط نفسها مكاني كيف راح تتصرف
انا ودي وماودي شايله هم تنظيفه والمحافظه على نظافته طول السنه وتجيك مواسم الله يعين الغبار بالاشهر ماينقطع وهذا الشي اللي مرددني
انتظر ارائكم اخواتي العزيزات
شاركي في النقاش
سجلي الدخول لإضافة تعليق.
التعليقات
10- عن نفسي
بفتحه وبغسله بألماي
ومابين فتره وفتره بغسله
وبخلي اولادي ينبسطون وانتي تشوفين الشمس
وتنشرين فيه الملابس
واذا جيتي تطلعين من البيت قفلي بابه و اذا جاء غبار قفليه وحطي تحت الباب الجلد اللي يسكره بإحكام
بس انتظري شوي لين يدفا الجو
سبحان الله وبحمده عدد خلقه وزنه عرشه ومداد كلماته ورضا نفسه - لاوالله يا اختي استمتعوا فيه ضبطيه جيبي احواض صغار وازرعي فيه وروود ورياحين وألعاب لعيالك واذاجاء الصيف لا تطلعوا فيه
أنثى اليراع لاوالله يا اختي استمتعوا فيه ضبطيه جيبي احواض صغار وازرعي فيه وروود ورياحين وألعاب لعيالك واذاجاء الصيف لا تطلعوا فيه
من رايي انك تضبطينه وتطلعين فيه دايم وتغيرين جو انتي وعيالك مثلا الحين بالشتاء العصر يازين الجلسه تحت الشمس والدفا وبالصيف بالليل ينفع والسطوح لانها مرتفعه يجيها هواء بارد وانبسطي انتي وعيالك وتوسعوا ومرات اشوي وتقههوا واستانسوا- من رأيي مادمه موجود استغليه بس مو معناته تتكلفين عليه
حطي فيه اصيص وازرعيه نعناع ورد اللي يعجبك والارضية لا تفرشينها حتى لو كانت اسمنت جيبي لك طاولة مع كراسي وشواية . - ابني غرفه صغيره بدون شباك ٣ في٢ وخلوها مستودع حطي فيها العاب الاطفال وقفليها واذا قدرتي تفتحي لها باب داخل الدرج يكون افضل
مواضيع مشابهة
تابعي تجارب أخرى من هذا القسم.