مشان الله شو اعمل ،،،انا بحاجتكم
انا ماعرفت لمين بدي افضفض واشكي بعد الله ،،،احترت وتعبت واختنقت وحاسة غصة بقلبي ومن كتر ما كل شهر بقضيها بكى هاد الشهر ماعم تنزل دموعي حاسة الدمع نشف بعيني ،،، انا الي سنتين ونصف متزوجة وكنت من اول ما تزوجت اروح لدكتورات وكلهم يحكولي مافي سبب يمنع الحمل حتى اني عملت صورة ملونة للرحم وطلع كل شي تمام الا انه رحمي خلفي ،، شي يعطوني كلوميد وابر تفجير وشي حبوب لهرمون الحليب ، وشي هرمونات عشان البويضات وشي لبطانة الرحم وكله على الفاضي والجلوكوفاج الي سنتين مستمرة علي عشان عندي نسبة تكيس بسيطة جدا ،،، قبل 3 اشهر عملت عملية تنظير وطلع عندي الانابيب مسكرة تماما وعندي عنق الرحم مسكر ولحميات بعنق الرحم ،،، خلال العملية حلولي المشاكل كلها فتحولي الانابيب وشالولي اللحميات وسعولي عنق الرحم والي 3 اشهر مستمرة على الكلوميد وهاد الشهر اعطتني الدكتورة مثبت وقفته يوم الاحد واليوم شرفت حضرتها ،،، انا اسفة اني طولت عليكم بس حاسة قلبي عم يحترق ومابعرف شو اعمل،،،، شو تنصحوني ،،،، بالعادة لما بوقف المثبت بتيجي الدورة بعد خمس ايام مو تاني يوم ،،،،انا بحاجتكم والله اني مدمرة نفسياً ومحتارة شو اعمل ،،،،الحمد لله على كل شي :(((