شاركي في النقاش

سجلي الدخول لإضافة تعليق.

التعليقات

2,001
  1. @mgbos_lhm

    السلام عليكم ورحمة الله وبركاته

    كيف حالكم رابطات ؟؟ إن شاء الله الكل بخير ؟؟
    وحشتوني ووحشتني أيامي معاكم .. بحلوها ومرها .. ياما وسوسنا وضحكنا واشتكينا :)

    ياما جلطتوني بمرض الصمت اللي كان متفشي فيكم خخخخ .. ادخل اسالف مع نفسي واطلع اسألها وتجاوبني :)

    انا لله الحمد خلصت الأربعين من أسبوع واشتغلت عندي الأمراض والتعب وهذا طبيعي بعد الحمل والادويه ( لحّد يخاف ترا عادي انا بعد كل ولاده اسكرب وارد أعالج اللي خربه الحمل ) قلبي هاليومين تاعبني .. احس بألم وضربات سريعه وكنت اشكي منه وانا حامل والحين بيسوون لي فحوصات لكني رفضت .. لآني ماعترف بمستشفياتنا الحكومية والخاصه ( بس الولاده اعترف فيهم ) وانا مسافره في نص ديسمبر ( شهر 12 ) مثل عادة كل سنه رايحه لندن أسوي فحوصات كامله وبأخذ معاي عيالي الكبار والصغار عند اختي .. التعب حدّث ولا حرج .. نوم مافيه ولا راحه مع ان اختي تجئني كل يوم الصبح تمسك الصغار عشان أنام شوي لكن لابد من التعب .. الفتره اللي راحت كل البيت مرض ( صخونه وزكام وكحّه ) حتى الصغار كلّش ( سميتهم مخمخ ومشمش خخخخ عشان تفرقونهم عن كردش ومردش ) 
    الله يبلغكم وتشوفون عيالكم وتفرحون فيهم 

    أشوف رابطات جداد في التجمع وداخلين حامي في الوسوسه خخخخ .. صبروا ياقلبي لا تستعجلون اربطوا اول وعقبها وسوسوا على كيف كيفكم :)

    الرابطات اللي كانوا معي ( مدام توته .. نور فيصل .. نور الدنيا .. ام عمر .. بنتظر .. غداً أحلى ) شحال الدنيا معاكم 

    هند القصيم .. المشرفه على التجمع والصدر الحنون :) ..اخبارك ياعمري 

    اودعتك جنيني .. الله يبلغك بشوفة جنينك :)

    كل الموجودين الرابطات وغير الرابطات .. الله يحفظكم ويحفظ اجنتكم وتجيبونهم في تمامهم وتنسون الراحه والنوم مثلي خخخخخ
  2. @mgbos_lhm

    مجبوس لحم
    السلام عليكم ورحمة الله وبركاته كيف حالكم رابطات ؟؟ إن شاء الله الكل بخير ؟؟ وحشتوني ووحشتني أيامي معاكم .. بحلوها ومرها .. ياما وسوسنا وضحكنا واشتكينا :) ياما جلطتوني بمرض الصمت اللي كان متفشي فيكم خخخخ .. ادخل اسالف مع نفسي واطلع اسأله…
    Dawnlight
    لفتت نظري مشاركتك ياقلبي من حيث ان العنز اللي رحتيلها وقالت لك رحمك ذو قرنين وبربط او بدونه راح تجهضين !!! تسمحلي هالبقره هل هي اللي بيدها الأرزاق ؟ هي اللي تقول كن فيكون ؟؟ اذا قالت إجهاض يعني إجهاض ؟ اجل ليش تتعبك وتسويلك ربط ؟؟ 
    بصراحه قهرتني :(
    لو انا مكانك كنت مادري شبسووي !! هي تفتقر لابسط الشروط اللي لابد تتوفر عند الطبيب .. هي بدل لا تعطيك الأمل حطمتك بهالكلام الغثيث .. ياما مرّوا في هذا التجمع بنات نفس حالتك وأشد ( بنت رحمها قرن واحد وصغير ) وربطوا وولدوا !!
    انا اللي أكلمك كان رحمي ذو قرنين وجبت ولدي البكر بدون ربط ( أزلت الحاجز بعد 7 سنين من ولاده بكري ) ..
    القصد ياقلبي .. ماعليك منها .. أربطي وتوكلي على الله والبنات هنا ما قصروا وشرحوا لك كيفية العنايه مع الربط وبإذن الله بتمر الأيام بسرعه وتفرحين بشوفة جنينك ياقلبي
  3. @too_aspirant

    تجمعكم مرررة مفيد .. أشكر كل وحدة على مشاركاتها ..

    اذكركم بنفسي ..

    انا فقدت حملي مرتين .. مرة بالشهر الرابع .. ومرة بالشهر الخامس ..

    وسبق كتبت ااستشارة .. وفادوني الاخوات الله يجزاهم خير خصوصا .. مجبوس لحم .. الله يبلغها بعيالها غاية مناها ..

    دعواتكم لي بالحمل .. رجعت الحين لأدوية التنشيط .. بديت فيها من الشهر هذا ..

    واذا صار حمل بإذن الله .. وتمم لي ربي على خير .. وسلمت من النزيف .. وكملت 3 شهور .. راح يصلح لي الدكتور ربط ..
  4. @hndalksym

    صاحبة الموضوع
    دقوشه
    عمليتي للربط يوم الخميس دعواتكم ربنا يقومني بالسلامة والعمليه تنجح وافوق من التخدير بسرعه لأني أبطئ في الصحيان من البنج  خااااايفه موووت انها تكون مؤلمه
    بنح عملية الربط خفيف لانه

    مدة العمليه قصيره لاتخافي اختي

    استودعي نفسك وجنينك الله الذي

    لاتضيع ودائعه فهو خير حافظ ...

تابعي تجارب أخرى من هذا القسم.