تخيلو جاني احساس اني فقيرة بس اليوم

الله يرزقك الرزق الحلال من حيت لاتحتسبين طيب اتعلمي الكروشيه وسوي مشغولات وبيعيها بتكسبي ان شاء الله

ياقلبي اما انك تجلسين على وضعك وتتحلطمين ومايجيك الا الهم ويكبرك وتغثين امك وتكتأبين
او انك تتفألين وتسعي وخلي ضحكتك واصله لاخر الشارع وبالك وسيع ولاتضيقين صدرك

فيه مليون شغله ولاانك تقعدين على وضعك
اقلها تشرين بميه ريال بساكيت وشبسات وتبيعين الي بالنص بالريال ومن بكرا تصير ميتين وهكذا لين تتوسع تجارتك منها تتسلين وتغيرين جو ومااحد بيعرفك ومنها تترزقين وتوسعين صدرك وصدر امك بالحديقه وتتعرف على حريم بعمرها وانتي خلي معك الجوال وطقطي والبزران بيجونك من كل مكان هذا
اقل شي تسوينه اعرف حريم مو بحاجه غنيات ومع ذلك يشتغلن كذا يتسلن يقولون ازين من جلسه البيت والي تبيع شغالتها وهي جالسه مع صديقاتها تتونس وتتاجر بنفس الوقت
او اذا ماودك تطلعين اجلسي بالبيت وبالنت سوي بحوث للجامعه اذكر زوجي سوا بحث عن طريق النت ماكان عنده وقت واتصل على رقم اخده من النت وطلعت حرمه تسوي بحوث سوت بس خمس اوراق او عشر بخمسين ريال وبدقايق وهي مرسلتها بس مادري تجوز او لا تاكدي
ترا ناس اعرفهم ومشاهير ومحلاتهم بكل مكان بدايتهم كذا يبيعون ببسطه وماصار سنه الا وهم تجار واسمهم له وزن
شوفي محلات الذهب التجار عيالهم الصغار يبيعون خضره بالعربيه وفطاير وحلا من محل ويبعون يعلمونهم التجار من صغرهم
اهم شي لاتتيأسين وتقعدين تندبين حظك وربولين عشاني مطلقه وماعندي اطفال ماله علاقه بوضعك بالعكس رحمه من ربي ماجبتي منه ولد والا يمديك متمرمطه معه
الله يفرجها عليك ويرزقنا ويرزقك من واسع فضله

الله يعينك اختي

استعيني بالله .... سوي لك مشروع صغيرون :)

الله غني ونحن فقراء ... ادعي الله يوفقك ...

حاولي تسوين لك اي مشروع ... لا تحتقرينه حتى لو كان صغير شوية شوية وتتحسن حالتكم للافضل

ما عليك انك ما جبتي ولد ... خير من الله ... يمكن لو جاك تتعبين ما حد يدري .. الخير في ما كتبه الله

الله يعينك وماتضيق الا وتفرج باذن واحد احد واسال الله العظيم ان يغنيكم وبيجيك يوم وبتفرحين فيه بالزوج وبالولد وبالرزق بس توكلي على الله