هل أنا ناقصة عقل ودين ؟؟؟؟
مساء الخير عزيزاتي دائماً زوجي يقولي في أي نقاش انتي ناقصة عقل ودين ..أقوله أنا عقلي يوزن بلد وعندي حكمة وحسن تفكير أكثر من كثير رجال يرد علي يقولي مو أنا اللي أقول الرسول عليه الصلاة والسلام يقول عنكن يالنساء ناقصات عقل ودين ...لا اعتلراض على كلام رسولنا الكريم لكن ليش زوجي ما مسك من أحاديث نبينا الكريم غير هالكلام وجالس يعيرني فيه ليل نهار ..أنا يا بنات واثقة من نفسي وتفكيري بس اللي يقهرني ان الرجال زي زوجي لا وظيفة ولا عمل زين وحياته متلخبطة فوق تحت ويدخلنا بمشاكل مالها أول ولا تالي والبيت والعيال أنا مسؤولة عنهم من تنظيف وترتيب ومذاكرة للعيال وتدريس كل هذا فوق راسي وهو شايل يده من كلشي ومعتمد علي في كل أمور البيت والعيال والحمد لله الكل يمدح بيتي وعيالي وأنا راضية على نفسي ...والله لو أكون مشغولة أو تعبانة وأحد من العيال كان عليه مسألة رياضيات أو درس انكليزي أقوله روح لأبوك ولما يروح لأبوه يقوله ما أعرف شي دبر نفسك ..يعني ما يعرف شي بتدريس العيال وكل المسؤولية علي والحمد لله أنا دارسة وفاهمة كلشي وما خليت عيالي يحتاجون أحد أو يسألون أحد ...لكن هالرجال وش ما سويت يقولي انتي ناقصة عقل ودين ومو انا اللي أقول رسولنا عليه الصلاة والسلام هو يقول ...فيا بنات قولولي هل صحيح انا ناقصة عقل ودين :44: