تكفون تكفون انا في حيره ساعدوني

اهلين بنات بقولكم قصتي ب اختصار
انا اللي دخل علي زوجي بساطور وشوزل وقال في رجال داخل البيت واخذ جوالي وكل جهاز في البيت وعيشنا برعب
انا وعيالي من الظهر لليل بعد مابلغو عنه ودخلنا الشرطه ورجعت مع اخوي طبعآ طلع زوجي يستخدم حبوب الكبتاجون المخدرات
وجلس بعدها اسبوعين مو مقتنع ان اللي صار يتهيأ له يقول لا موجود وفعلآ دخل البيت. رجال واحيان يتصل يقول لقئ ذهب داخل البيت بس من اسبوعين قطعت العلاقه فيه نهائيآ لاواتس ولا رقمي كل شي قفلته المهم اللحين صار يقول انه غلطان ويبي اعطيه فرصه ثانيه وارجع له وانه تاب وقسم ب الله انا بحيره يتصل ويقول انا اموت جوع مافي احد يسأل عنه لاغدا ولاعشا وملابسه وووووو وقلبي يتقطع رحمه به بس عجزت كل مااتذكر ذيك اللحظه اخاف وش يضمن لي انه ماراح يسوي شي وش يضمن انه مايرجع وش يضمن تعبت تكفون ساعدوني انا تعبت نفسيتي تعبانه انا عن نفسي مابيه اهله ظلموني هو حاول بكل مافيه انت يدور علي زله عشان يفضحني ماقدر لاهو ولااهله الحمدلله يارب اني اخاف ربي هددوني بعيالي وكل شي يوم خلاص خلاص عاد اللحين اول مايتصل يقول غصب افتحي لي الباب ابي ادخل عندك واجلس معك واكل ووو واروح وبعدين متئ مابغيتي ارجعي انا اسوي نفسي قويه واقوله مابيك ومين يجلس يهدد بينط ويدخل وياخذنا ب القوه واخر شي يهدا ويقول خلاص اللي تبين ابشري من عيوني بصبر عشاني احبك ويجلس يدعي ويقفل بس يرجع من بكره يتصل ع جوال امي ويرسل ونفس الشي اسلوبه ودي اقول بعطيك فرصه واشرط بس ماضمن انا حياتي معه حتئ احس كلامي ملخبط هنا اللي فهم علي يقولي وش رايه وش اسوي.... اخوي كان معي بس يوم كلمه قال لا الرجال ندم ويقول بيصلح غلطه ميخالف ارجعي له وان سوا شي ثاني نطلقك طيب انتظره يذبحني مدري انا في حيره وش. رايكم اعطيه فرصه والله اني خايفه وماراح احس ب امان معه ياربي رحمتك فيني تكفون ساعدوني هم حزن تعب تفكير سهر عصبيه والله تعبت لاتقولون مكررر تكفون ردو علي

25 تعليق 4,026 مشاهدة

شاركي في النقاش

سجلي الدخول لإضافة تعليق.

التعليقات

25
  1. @am_gody1234

    ﻻﻻ ترجعين
    مدمن الحبوب مااله أماان
    وحتى لو حلف
    اللي يسويه غصب عنه مو بيده
    اذا عندك عيال راح تضطرين ترجعين لكن متى؟؟
    إذا تعالج وأخذ ورقه من الأمل تثبت إنه دمه صار نقي
    ذيك اللحظه ارجعي له
    اما الحين ﻻ وألف ﻻ
    ﻻيموتك....
  2. @mngo

    يختي ياررروح مابعدك روح
    لو بمكانك ماراح أرجع له لين يتعااااااالج ويضمن لي الطبيب أنه بكامل قواه العقليه
    لا يا قلبي مايصير تخاطرين ماسمعتي بالجريمه إلي قبل فتره بالجنوب
    ذبح زوجته وعياله وقالو عنه مريض نفسي !!!!!!!! هالأمور مايتخاطر فيها
    لازم يتعاااااالج الرجل يدخل بنوبات ويكون مو بوعيه !!!!! الله يشفيه ويعافيه
    مو كل مره تسلم الجره المتعاطي يكون فيه نزعة شر وتتخيله شغلات ماصارت
    ويفكر بالإنتقام وهالشي كله خارج عن إرادته !!!!!
    هذا رأيي لا تتهورين وترجعين لمجرد وعود فقططططط منه !!!!!!
    الله يحفظكم والله يفرج همك ويشفي زوجك ويرده لكم ردا جميلا
  3. أبد لا ترجعين حتى تتاكدين والله ماله أمان دام انه متعاطي الا اذا بطل هالخرابيط الله يصلح حاله ويرده لكم ردا جميلا
  4. @ahlawhm

    صاحبة الموضوع
    اااااااااااااااااااه وقسم بالله تعب وهم الله يجزاكم خير كلامكم يريحني بقوله طيب وش يضمن انه يجيب لي ورقه صدق انه طيب اخاف بواسطه يجيب ورقه انه سليم كذب
  5. @ahlawhm

    صاحبة الموضوع
    احلاwهم
    اااااااااااااااااااه وقسم بالله تعب وهم الله يجزاكم خير كلامكم يريحني بقوله طيب وش يضمن انه يجيب لي ورقه صدق انه طيب اخاف بواسطه يجيب ورقه انه سليم كذب
    هو يقول انه تركهن وخلاص ماراح يرجع لهن بس ماعالج لا لان يقول ماوصل مرحلة الادمان مع انه كان يجلس يومين ثلاثه مواصل وشكله يخوف

تابعي تجارب أخرى من هذا القسم.