لا يكون السالفه فيها جن بسم الله .. يسوونها ؟؟؟

السلام عليكم


صباحكم عسل


بنات ابسألكم ....


زوجي قبل كم يوم عطاني مبلغ وقال هذا مصروفك ولا عاد تطلبيني شي ... عاد انا اعترضت قلت زود شوي الشتاء جاء وما يكفي قال الشهر الجاي اعوضك

قلت خير



اخذت الفلوس ومشيت فيها شوي علشان ارفعها


بناااات في هالفترة مدري وش جاني ما افتكر وش صااااار لي الفلوس لها مختفيه خمس ايام وانا ما افتكر وين حطيتها ولا افتكر يوم كانت بيدي حتى ....بس يوم كنت عنده وقمت ابي اروح الصاله


عرفتم ؟؟


يعني ما افتكر الا يوم رحت اتوضا للمغرب وش صار قبلها مع الفلوس الله اعلم


ما خليت مكان الا دورت فيه حتى الزباله الله يكرمكم كبيتها ثلاث مرات ما حصلت شي


تهقون السالفه فيها بسم الله جن؟؟:07::07:


سبق واحد صار له زي كذا


مع العلم ان عندي مصروف العيال له شهور مرمي من مكان لمكاااان ربطة ريالات وش معنى فلوسي اختفت


عيالي يقولون ما شفناها اصلا معك وانا متاكده وقتها كنت لحالي مع زوجي يعني ما شافوها



:(

56 تعليق 6,459 مشاهدة

شاركي في النقاش

سجلي الدخول لإضافة تعليق.

التعليقات

55
  1. استهدي بالله وفكري وانتي رااااايقه اكيد حطيتها منا ولامنا وانتي مش مركزه

    اقلك شي ولاتزعلين. يمكن زوجك موراضي عنها خخخخخخخخ
  2. @mha_88

    عادي تصير قبل صارت لي
    والسبب اتوقع انه ساعة ما اعطاكي إياها كنتي تفكري في شئ ثاني 
    ولما قمتي حطيتيها على اقرب شئ بدون شعورك وفي مكان ماتتوقعيه وممكن يكون قدام عيونك كمان 

    فأنت ادعي ربي يرد لك ضالتك وان شاء الله تحصلينها 
  3. @amolh_2009

    صاحبة الموضوع
    بنات بيتي مو كبير ولا فيه اثاث كثير حتى اقول الاماكن كثيرة وضاعت فيها

    كلها مكتبه وطاولة تلفزيون


    تعبت كل يوم وانا ادور واقلب الكنبات وادور في اماكن مستحيل تجي ببال احد

    حتى الثلاجه والدواليب حقت المطبخ فضيتها ورجعتها

    المشكله يوم قلت له ضاعت وعوضني حتى القاها قال ما عندك الا الشهر الجاي
  4. @shrok_49

    نعم ي اختي يكون بسببهم وعن تجارب
    المفروض تسمي بالله عند وضعها واستودعي الله كل شي تخشي عليه
    اما ياخذونه وبعد فتره يرجعونه او يكون موجود بمكانه لكن يخيلون على عيون الشخص حتى مايشوفه
    اذا تكرر هالشي وبيتك فيه تعب واذى انصحك بتشغيل سورة البقره ورش الماء والملح المقرى على الاركان والعتب
    وبترتاحين .. ربي يحفظنا واياكم

تابعي تجارب أخرى من هذا القسم.