الموضوع مغلق

من فيكم تزوجت وامها مريضه بالزهايمر او النفسي ..!/ استوفى الرد

السلام عليكم

انا صديقه الغاليه عشقت بدوي .. عمري 22 سنه .. يعني لاتستغربون بالموضوع او الردود

المهم ياليت تخبروني انا بالحيل ضايق صدري ...

امي عمرها 60 سنه المشكله صابها مرض نفسي والان فيها زهايمر والحمدلله حنا مانقصر معها بالاكل والشرب ونجلس معها... لكن حبيباتي انا اخطبوني ناس وماعرف وش اقول طبعا كلموا اختي الكبيره متزوجه وعندها عيال كبار الله يحفظهم يعني اختي كبيره متزوجه قبل تمرض امي

وقالت لي وش رايك..؟ انا طيب وش اسوي لو وافقت مين بيشوفوني اكيد بتزورنا ام الولد واخته طيب واذا اسالوا عن امي وش اقول او اذا قالوا ابغى اكلم امك ياربي فيني البكووه

اخاف اقول لهم امي فيها زهايمر يضحكون علينا انا ماهموني عادي لو ماتزوجت لكن مصيري اتزوج اذا الله كاتب لي لكن خايفه كثير من الحموله كل البنات عندهم امهات الا انا :lookaroun


اختي تقول وسعي صدرك عادي انا اقابلهم لاني الكبيره واذا اسالوا عن امي بقول لهم الحقيقه مافيها شي هذا مرض


ولاتقولون خلي امك تطلع او تشوفهم لانها بتقول مين هذا انتي وش اسمك او ممكن تعمل حركات عدوانيه او تصرفات سلوكيه غير لائقه... يعني صعبه نتوهق مع الناس اللي تبغى تفهم كلامي تقراء كثير عن الزهايمر شخص مايحس بنفسه والمرض يزيد بالتدريج...


المهم اختي عشقت بدوي تقول لي عادي هذا مرض ومافي احد يعير بالمرض وزوجك اذا سال عن امك قول له مرض زهايمر عشان مايزعجك كل يوم....


انصحوني وجهوني لاتقسون علي ارجوكم يكفي حالي ...

للمعولميه امي مطلقه قبل سنتين ...


اهم شي كيف تووواجهون الرجال والحموووله اخاف يكون فيه كلام كثير وتجريح ... لاني اشوف صديقاتي المتزوجات كل يوم امي عزمت حمولتي امي رايحه عند حمولتي ... وانا طبعاً ماراح اكون مثلهم والحمدلله على كل حال

73 تعليق 10,384 مشاهدة

شاركي في النقاش

سجلي الدخول لإضافة تعليق.

التعليقات

73
  1. @rtoooo1982

    يالله حسستيني انها مدمنه او اخلاقها مش تمام
    ياختي هذا مرض
    وكل انسان معرض له اذا كبر في السن
    عادي استقبلوا الناس وبعدين جيبوا امك تسلم
    تخيلي بس يوم كنتي طفله وكنتي تحرجين امك مع الناس باسئله بريئه
    هل ياترى امك استحت منك او خجلت من تصرفك
    ترى امك رجعت طفله لكن بجسد امراءه
    انتي مكبره الموضوع والا الموضوع بسيط وعادي
    الله يتمم لك على خير
  2. @mlak46

    قولي لهم الحقيقة وخلي أمك تسلم عليهم عادي وكلك فخر فيها..
    هذا مرض والمرض محمد يشمت فيه وأي شخص معرض له في أي وقت.
  3. @aashkt_bdoy

    صاحبة الموضوع
    رتوووو1982
    يالله حسستيني انها مدمنه او اخلاقها مش تمام ياختي هذا مرض وكل انسان معرض له اذا كبر في السن عادي استقبلوا الناس وبعدين جيبوا امك تسلم تخيلي بس يوم كنتي طفله وكنتي تحرجين امك مع الناس باسئله بريئه هل ياترى امك استحت منك او خجلت من تصرفك تر…
    لاحول ولاقوه الا بالله ... ليش الاسلوب بالرد حسي فيني...
    اقولك عليها حركات عدوانيه مره زارتنا وحده وكبت القهوه بوجهها ... ومره ثانيه عملت موقف تقول هذي سكرانه انتم ماتعرفونها ... يعني لو جو يخطبون وقالت هالكلام...

    اذا الردود مثل كذا لا والله مابيها... ردوا بعقلانيه لو سمحتوا ماقلت لك هي مدمنه والا لا انتي ماتعرفين وضعي

    لو الموضوع بهالبساطه كان خليتها تدخل تسلم وانتهى الموضوع... مايحتاج اكتب

    افهموني لو سمحتوا ... لو انتي بوضعي عرفتي حجم المشكله ... الله يهديك بسس
  4. كلام اختك سليم تستقبلهم هي واذا سألوا عن امك تقول لهم انها مره كبيره وماتذكر الناس
    والله يتمم لك على خير ويشفي امك
    ويابعدي لايضيق صدرك من الردود عاد بشريناااااااااا عنك

تابعي تجارب أخرى من هذا القسم.