كيف اجعل ابني يدرس لوحده؟

انا اشوف ان ثالث ابتدائي يعتبر لسه صغير على فكرة ان يعتمد على نفسو في الدراسه
الطفل يحتاج احد يشجعه ويطول باله عليه في الدراسه خاصة لو كان عنده صعوبات
ولسه بدري على ابنك ان يدرس لوحده
اتوقع الطفل اذا كان متفوق وماعنده مشاكل في الدراسه ممكن الأهل يخلو يعتمد على نفسه من خامس ابتدائي
مع ضرورة ان اهله يراجعو له كل فتره عشان يتاكدو انه محافظ على مستواه وفاهم
واذا كان عندو مشاكل او صعوبات راح يحتاج وقت اطول
واذا ابنك ضعيف في الكتابه حاولي معه تحسني من مستواه
في ايام الاجازه مثلاً اجلسي معه قوليله ايش رأيك نكتب قصه مع بعض
وخليه يألف قصه وانتي اكتبيها اعملي انك مو قادره تكتبي بعض الكلمات البسيطه وخليه هو يحاول يملي عليك حروفها
اقرأي قصص له وخليه في اوقات هو يقرأ وطولي بالك عليه وعلى طول شجعيه اذا قرأ شي صح او كتب صح

جزاكن الله كل خير

أم فارس من وجهة نظري انه معاك حق لازم يدرس لحاله بس شوفي مستوى ابنك بما انه عنده صعوبة في الكتابة فيحتاج تركزي على تقويته فيها وممكن ترجعي للمنتديات الخاصة وتشوفي كيف ممكن تعالجي المشكلة بالنسبة لبقية المواد اذا مايعرف يقرأ كويس اقرأيها له ثم اعطيه وقت يحفظها لوحده أو يحل الواجب لوحده واذا مافهم شي يسألك وفعلا ماتقدري تذاكري لكل ولد كلمة كلمة بس الصف الأول وبعدين يعتمد على نفسه تحت اشرافك