اليوم عندي عشى تمايم قمري
اول مرة عزيمة عشى في بيتي واهلي موحاضرين
وش اقول للحريم اذا بقلطهم على العشى
واذا خلصوا اقول شي او اسكت
واذا بيقولون كثر الله خيركم وش ارد..وتوقعون يقولون كلام غير كثر الله خيركم عشان تعلموني وش ارد
والبخور ابخرهم بعد القهوة او بس بعد العشى
و وش اقول اذا عطيتهم المبخره يتبخرون
او هم لوقالوا شي وش ارد
إلحقووووووو علي
اللي بيجوني من أصل بدوي وانا لا
عشان كذا متورطه زياده على ذلك اني مونبيهه مانتبه لناس وأحفظ كلامهم
تكفون انتم خواتي
شاركي في النقاش
سجلي الدخول لإضافة تعليق.
التعليقات
16- اذا قلطو سمو الله يحييكم
واذا خلصو وقالو لك كثر الله خيرك قولي عافيه
والبخور والطيب بعد العشا
واي شي يقولونه لتس قولي حياكم الله تو مانور البيت
بس عندي سوال صغنون معقوله ماتعرفين تردين
مادامك حافظه الاسئله اكيد عندتس اجوبه
على العموم اللي يتمم عشاتس على خير
بالتوفيق - لاوالله موب حافظه بس اذكر الناس تقول كلام بالمواضع ذي وماعرفه
ومابي افشل زوجي خاصة الناس اللي بتجي نقاده درجة اولى - لا قالوا الله يخلف عليكم وإلا كثر خيركم وإلا جاد الله عليكم قولي بالعافيه وعلشان ماتوهقين لإقامت من العشى ودعت قولي عافيه جزاك الله خير
البخور بعد العشى ومرة وحده ولا جو ودخلو قولي مرحباً الف أو أرحبو يالله حيهم تو ما تبارك البيت ولا قومتيهم العشى قولي تفضلوا على العشاء واجبك وشوي بحقكم او قدركم ولا سلموا يبطلعون قولي سامحونا على القصور
وبس بالتوفيق - خلتس ذربه وكثرري من الترحيب
الناس تحب اللي تقدررره وتعطيه اهميه
عامليهم كانوا احد مهم جاااايك واذا جا وقت الصلاة افرشي لهم
السجادات المطيبه والمعطره واذا جا العشاء
قوليلهم مو من قدركم اعذرونا على القصور
واذا جو يطلعون قولي بدري خلونا نسهر جمبع - موفقة
مواضيع مشابهة
تابعي تجارب أخرى من هذا القسم.