شاركي في النقاش

سجلي الدخول لإضافة تعليق.

التعليقات

16
  1. @hlm_88

    اهم شي الابتسامه والبيت النظيف والريحه الحلوة والترتيب اهم من اي مصطلحات .
    لكن المتعارف عليه تستقبلين الضيوف عند الباب و ترددين الله يحييكم تو مانور وتبارك البيت .
    اذا بتقلطين على العشاء تقولين تفضلوا وتدلينهم لغرفه الطعام .
    وعند مغادرتهم تودعينهم بابتسامه الين باب البيت وتقولين زارتنا البركه وسامحونا على القصور .
    طبعا انتبهي تغلطين بعض الغلطات اللي اشوفها منتشرة بين الحريم اذا صار عندها عزيمه ما تقر في مكانها بس رايحه جايه وتخلي الضيوف لحالهم .
    واذا كان في اطفال حاولي تتماسكين اعصابك ماتصرخين عليهم قدام الضيوف عشان ما يتضايقون ويحسون انهم ثقيلين عليك .
  2. @kan_ly

    صاحبة الموضوع
    ياحبي لكم استفدت من ردودكم بس البخور ماعلمتوني واستحيت سويت نفسي مشغوله بالمطبخ وارسلت به وحده تعطيه الحريم
    خفت اتورط
    مدى وش فيك الله يهديك انا ماقصد اسب البدو..ماتشوفين العنوان قلت الذربه والسنعه يعني البدو ذربات وسنعات وابي اصير مثلهم واحسن ..بس اللي يجوني نقادات درجة اولى ..او بالأصح معاديني حتى لورحبت وقدمت كل شي زين عندي يحشون فيني عشان كذا طلبت نصايحكم حنا خوات
  3. @mshaaal_nt

    الله عالبدو

    ماتقدري تجاريهم في كلامهم وترحيبهم

    احلى رد على اي كلمه ( الله يحييكم)

    تفضلوا عالعشى حياكم الله وابدي بالكبيرة بالعمر او اهم وحده

    والبدو يحبون القهوه المضبوطه صبي بسرعه كلما خلصوا ولزمي بس لاتنشبين بقوه

    وافينا بالجديد
  4. @olaaa_alzmn

    تصدقين أشعر أنك تمزحين

    يعني ماشاء الله تروحين أجتماعات وتسمعين وتستفيدين وتتعلمين ..

    أهم شيء
    الابتسامة وكثرت الترحيب

    ياهلا ويامرحبا

    حياكن ربي

    تو مانور البيت ..

    نحن من عاداتنا البخور قبل العشاء يدار
    ثم
    تقولين تفضلن ياهلا وسهلا

    وعندما يشكرن على الأكل
    ردي عساه بالعافية
    وياهلا وسهلا ومرحباً

    أعيد وأكرر

    لابد من الأبتسامة المشرقة

تابعي تجارب أخرى من هذا القسم.