تصرفات الزوج المزعجه ~ تعالو أتحفونا ~

شي جميل اننا نتجمع ونتكلم ونفضفض ..
بس هل هو شي جميل اننا نقول الاشياء المزعجه في شريك حياتنا
لمجرد اننا نبغي نتكلم ؟ اكيد لا ..
لان لو فيه منتدى رجال وزوجك كتب عيوبك حتي لو لناس مايعرفوك
بيجي في نفسك وتزعلي وتقولي مايحبني ومايحترمني وجالس يتكلم عليا
اذن اللي مانرضاه لنفسنا مانرضاه لغيرنا ..
وكمان فيه مشكله لمن اجي اكتب زوجي عصبي زوجي بخيل انا مااستفدت والله الا الهم
لان التركيز على عيوب الشريك مايجيب لك الا الهم والنكد
ياليت الموضوع كان اجمل شي في زوجي او ميزه في زوجي احبها ..
خلونا نحبهم ونشوفهم شي جميل عشان يشوفونا شي جميل وتكون البيت عامره بالحب
بدل النديه والمشاكل ..
ويعطيكم العافيه مااقصد والله اضايق اللي ردو بس نحتاج فعلا الايجابيه في حياتنا
وخصوصا مع ازواجنا :)

.....