لو خيروك بين رجل متزوج او عزوبي

انا لي ثمان سنوات وعندي طفلين وسكنت مع اهله ولو يرجع الزمان لورا اختار الاعزب 
انا لو اتحلم انه متزوج قبلي او بعدي او نام بس مع واحده غيري  اقوم منً النوم اقعد يومين كارهتته فما بالك لو صدق الله لا يحطني في هالوضع حبيبتي انتي بنت ماجربت كيف تكون لك واحده تشاركك في زوجك واذا احتجتيه يكون عندها احنا نمر بحالات نفسيه تاثر علينا غير الحساسيه بيبنك وبينها وانتي ورايك

الراحه النفسيه والإشباع العاطفي والإستقرار الزوجي اكيد اهم من الماديات والكماليات سفر وغيره

ماقيمة المال مقابل ضره تشاركني في زوجي وحياته ووقته وقلبه وكل شي!!

ماقيمة المال امام حياة زوجيه ماعشت ولاتهنيت حتى في بدايات حياتي وأول سنوات عمري اجمل الأيام

مع زوج وقته وقلبه ومشاعره كله لي مو اتزوج واحد شبعان شايف وعايف ومثقل بهم زوجته واعياله وبيته الثاني ومسؤولياتهم!

يا ما بنات كانت نظرتهم ماديه وتفكيرهم مثل هالتفكير وبعدين نشوفها تندب حظها وتشكي برود حياتها
و قله وجود الزوج بحياتها

لاهي بشركاته وزوجته واعياله ومسوؤلياته ومافي احد يشبع عواطفها ومشاعرها واغلب وقتها تدور مع هالسايق بروحها وتربي اعيالها بروحها والفيلا اللي وفرها لها خاليه فيها بروحها!!

يعني بالنهايه لا الفيلا ولا السايق ولا الطباخ ولا غيره ممكن تعوض وجود الرجال وحاجة المراه النفسيه والعاطفيه له
اللي ممكن ما يقدر يوفرها مثل الشاب الأعزب!

وعلى فكره الرجال اللي يبربر بالخطبه فيلا وسايق وطباخه وسفر هو عارفه نقطة ضعف أي بنت ويقول هالكلام عشان توافق عليه لأن قليل اللي ترضى بمتزوج..

ولأن عارف اللي ترضى بمتزوج غالبا هدفها مادي ونظرتها للأمور ماديه ولا ماكان وافقت على رجال متزوج ومعاه ضره تنقص حياتها ولو يجيها متزوج حالته الماديه عاديه ماتوافق..!

فاحتمال كبير تكون كلها بربره أوهام واحلام مافي شيء على ارض الواقع!

اكيد اعزب ونبني حياتنا مع بعض تقارب في العمر والاهتمامات والاهم لي وحدي
المتزوج الي عنده فلوس واستقرار مادي الفضل بعد الله بصبر زوجته له باول حياته
والحين المفروض هي تستمتع

والله ياحبيبتي انتي تتكلمين من فراااااااغ
تدرين ليه لأنك ماعشتي الحياه اللي تقولين حاطه رجل على رجل وتتخيلين
بالله عليك بتنبسطين بسفر وروحه وخادمه وسواق ورجال مو لك لحالك
تتكلمين عن مدارس اهليه لعيالك وأبوهم شي طبيعي بينقص من اهتمامه لهم ويصير كله فوق رأسك
مررررره انتي سطحيه مره الله يعينك
همتك الماده فقط
مو الاستقرار والراحه النفسيه والهدوء
اعرف لك وحده عزززز المعرفة جاها متزوج غننننني مثل ماقلتي سواق وخدم ورفاهيه وخيررررررر
ووافقت وأهلها رفضو واقنعوها واقتنعت
وبعد سنه تزوجت اعزب ولد ما شالله جرب الحياه معها وسافرو للخارج رغم انا اعرف ماديته مو ذاك الزود
وحملت وفرحأنين وشقه عند أهله محد يتدخل فيها وعايشه حياتها لبس ووناسه وكشفه مو حاره عمرها بس
راح لزوجته أكيد جاب لها أكيد حط لها
جررررربي حياتك مو حياة غيرررررررك زوجته الأولى هي لها حق تتنعم في خيره مو وحده جديده تأخذ الأكو والماكو وترا ان جات للحق كل شي يصير للأولى أكثر منك
واللي يقولك أخذ الثاني تراهم مأجربو تراهم وحيدات أزواجهم ومبسوطات
وبعدين تراك تتكلمين عن حياة الأعزب الحين اول ما يتزوجك لكن فكري بعد كم سنه شي طبيعي يتطلعون ببيت خاص لكم
وترا حياة أهل الزوج مو دائم تعيسه فيهم اللي ينحط على الجرح يبرأ

انا بنت مو متزوجه لكن ابوي  متزوج 3  ومع تجربتي معن ابوي احسن من الحسن والله معمره ضربني ولى ضرب امي ولى خلاتي ولى عمره نقص علينا حاجه لكن احس با نقص مو زي لما يكون ابوكي يكون لكي وحدك انتي وخوانك من امك 
واكيد عيالك راح يتعضبون 
غير الحريم متدرين يمكن ما يكنون كويسات