الحمد لله ياارب

16 ديسمبر 2013

#83409274

جريحة الكلمات

الف مبروك الله يسهل لك

وعليكم السلام ورحمة الله وبركاته..

ربي يتمم لك على خير ويثبت جنينك فهو مثبت السماء بلا عمد سبحانه تبارك وتعالى

تاريخ ولادتك المتوقع ان شاء الله

15-8-2014

18-10-1435

كل تاريخ 15 من الشهر الميلادي تكملين شهر ان شاء الله

امس الاحد كملتي الشهر الاول

اليوم الاثنين اول يوم لك بالشهر الثاني

15-1-2014 تكملين الشهر الثاني ان شاء الله

وهكذا..

كل يوم جمعه تدخلين اسبوع جديد ان شاء الله

الجمعه اللي قبل 3 ايام كان اول يوم بالاسبوع الخامس

الجمعه القادمه اول يوم بالاسبوع السادس ان شاء الله

اقري عن اسابيع الحمد جدا مفيده

الفوليك بالشهور الثلاثه الاولى ..ومن الرابع للتاسع ان شاء الله كالسيوم وحديد..

الاشياء اللي اقدر انصحك فيها:

1-قراءة جزء من القران يوميا مافيه احلى من القرآن للحامل .. والذكر طول اليوم خليك على ذكر تكبير تسبيح تهليل حمد .. سبحان الله وبحمده.. سبحان الله العظيم وبحمده .. سبحان الله العظيم.. لاحول ولاقوة الا بالله .. الصلاة على الرسول عليه الصلاه والسلام.. الاستغفار..حمد الله سبحانه وتعالى وشكره بالسجود في الصلاة والدعاء بأتمام امور الحمل على الخير.. الصدقه ..الاذكار ضروريه بعد الفجر والعصر.. قبل النوم.. البعد تماما عن العصبيه والتوتر الشديد والزعل يسبب نزيف لا قدر الله

2-شرب الماء مهم جدا.. الجنين الان في كيس وحوله ماء ومع الاسابيع الجايه بيبتدي يصفي كليته
الماء مهم حتى انه يخفف الوحم والغثيان (هههههههه يمكن تجي وحده وتقول بالعكس انا ما اقدر اشرب ماء انغث .. اعيد واكرر كل وحده تختلف عن الثانيه)المهم اشربي ماء على الاقل 8 كاسات باليوم انتبهي تتهاونين بأهميته واول ماتصحين على طول اشربي كاس ماء فاتر يريحك هالشي ان شاء الله من الامساك لان الامساك اذا كان شديد ممكن يسبب اجهاض ..

3-خليك على الزبادي والخبر البر او التوست البر مفيد جدا للوقايه من الامساك وكثري عصيرات فواكه طبيعيه بدون سكر وسلطات .. وانتبهي يزيد وزنك من الاشياء اللي مو مفيده عشان ماتتعرضين لسكر الحمل ..

4-انتبهي من المجهود الحاد .. ريحي نفسك على الاخر,, قسمي شغل البيت مو تشتغلين لساعات متواصله .. اشتغلي شوي ثم ارتاحي ارجعي اشغلي ثم ارتاحي.. واذا طلعتي رتمشين كثير انتبهي من المشي لمدة طويله كل شوي اجلسي..واذا فيه شي بالارض لاتنزلين يدك وتثنين ظهرك عشان تاخذينه
انتبهي اجلسي على الارض خذيه ثم قومي.. عدم حمل اشياء ثقيله بتاتا بتاتا

5-اهمية الاستلقاء على الجانب الايسر... لانه بجهة القلب ويساعد في توصيل الدم والاكسجين للجنين بشكل افضل ,, كل ماجيتي تستلقين خليك على الجانب الايسر وحاولي تنامين بعد على هالجانب

6-الاستحمام بالماء الساخن خطر جداا ويسبب اجهاض لاقدر الله .. الحين الجو شتوي خلي الماء دافئ وليس ساخن وعدم شرب مشروبات ساخنه ,, خليها تفتر بعدين اشربيها .. يمكن تجي وحده وتقول انا استحميت وشربت وماصار شي (كل وحده تختلف عن الثانيه الاحتياط واجب)

7- الابتعاد عن الجماع العنيف.. ولاتكثرين منه خصوصا بالشهور الاولى لحد مايثبت الجنين يعني
خليك متزنه (اللي تقول الجماع كان كل يوم وماصار شي نقولها الاحتياط واجب تعبت وانا اكتب هالجمله هههههههههههه)

8-لاتخلين الجوال موجه على بطنك.. وحاولي تستخدمين اللاب بدون مايكون موصل بالكهرب يعني اشحنيه قبل ,, ولاتوقفين بين التلفزون والشخص اللي يغير بالريموت كنترول ..واذا رحتي المستشفى ابعدي عن غرفة الاشعه نهائيا

9-انتبهي من الالتهابات والفطريات.. لانه بالشهور الوسطى ممكن توصل لكيس الجنين وتسبب له تمزق و تسبب ولادة مبكره.. واللي ماصار فيها شي وهي معها التهابات نقولها كل وحده تختلف عن الثانيه الاحتياط واجب

عشان الالتهابات نسخت لك هالجزء:

هذه النصائح جمعت لها من عدة مواضيع مع اني ما اسويها كلها تعرفون الكسل بس حبيت افيد الاخت

1- التوكل على الله سبحانه فهو الشافي المعافي مع الدعاء بالشفاء له دور كبير في هذه الحالات

2-ازالة الشعرمن المنطقة اذا ماتقدر حلاوة مو مشكله بموس الحلاقه

3-تروح للدكتورة النسائيه مو تشرح حالتها .. تطلب منها تسوي لها مسحه لعنق المهبل وترسلها للمختبر لتحديد السبب راح يبين اذا فيه بكتيريا او فطريات وبتعطيها العلاج الطبي اللازم من مراهم داخليه وغسولات طبيه وممكن حبوب اهم شي مسحه ياخذونها للمختبر..اهم شي الادوية ماتضر الحامل

4-استخدام غسول نسائي (انا افضل ديوسيبت ممتاز جدا)وتتركينه اذا دخلتي الثامن
..

5-استخدام فوط صحيه يوميه(غير فوط الدورة)وتغيرها بأستمرار يعني على الاقل 3 مرات باليوم..لتبقى المنطقه جافه غير رطبه..

6-تهوية المنطقه الحساسه يوميا يعني تختار لها نص ساعه صباحا وماتلبس الا روب واسع بدون ملابس داخليه عشان تتهوى المنطقه ونص ساعه مساءا تسوي نفس الشيء.. مع تغيير الملابس الداخليه مرتين يوميا .. وياليت بعد ما تغسل ملابسها الداخليه تكويها كامله للمكواه اثر عجيب في تعقيمها وجعلها صحيه, وياليت تنام بدون ملابس داخليه بس تحط ببالها لازم تغسل الشرشف اللي تنام عليه كل اسبوع وتحطه بالنشافه عشان يتعرض للسخونه ويتعقم والبطانيه اللي تتغطى فيها تغسلها بالمغسله على الاقل كل شهر او شهرين..

7- اذا قضت حاجتها وتشطفت تجفف المنطقه بمناديل نوعيه جيده وتكون طريقة التجفيف من الامام الى الخلف وليس العكس وماتجفف نفسطها بفوطه ابداااا بمناديل فقط ..وياليتها ماتترك منطقتها الخلفيه اثناء الاستحمام يعني تخلي الصابون يمرعليها لو مرور الكرام ..

منقول

ربي يوفقك

التعليقات

رزقت بمولود بعد طول انتظار الحمد لله

حامل الحمد لله ربي من علي والله رزقك من تتمنى... ادخلوا وانصحوني

الحمد الله كل تاخيره فيها خيره 🙏🏻

الحمد لله ربي،،

هل الحمل له علاقة باضطرابات الدورة