تطبيقات دورة احتراف الفوتوشب

السلام عليكم


استاااذة
في درس البنر
الصورة مش راضية تدخل فوق المنحنى تمام
بالرغم اني ضغطت CTRL ALT G كلهم سوا

السلام عليكم ورحمه الله وبركاته
اشكرك ولك المثل عزيزتي ♥ والحمدلله ان وفقني واعانني على طرح هالدورة
ماشاءالله بصراااحه احس بفرحه كبيرة لما اشوف تطبيقات البنات
واتمنى فعلا من كل قلبي ان البنات والي يتعلم من الدورة يستخدمها ف الخير وفي طاعه الله
وليست فيما لا يرضى الله

لو تقترحين ع الاداره تكلم المتجر نغير بنرهم هع بصراحه جدااا جممممميل وحبتيه
رقيق + كيوووت والوانه تتتتهبل بس اضافه فديتك + لو تخلين لير الحد فوق لير الشغل افضل
يطلع شكلها اكثر ترتيب ووومع هذا حبيته والتاثير والله رااااق لي بجددد

الثانيه يا انه تصميم ينعش العيوووون ابهرني ماشاء الله عليك مرتب وانيق وجمممميل
والالوان صااافيه ورااائعه واللمعه معطيه روونق اخررر
اما تنسسيق النص هنا عاد يوقف الكلام شي اخر اعجز وصفه
حبيت تنسسيقك للون مع الباترن ف الحدود والكلمه
والتاثير لا يعلى عليه

المنحيات نفسها اشكال اساسا وتقديرن لو دورتي من النت shape اعتقد كذا تكتب
بتلقين منحيات جاهزه ع شكل اشكال
يعني اذا سمح الوقت وحسيت انكم مستعدين لجرعه ثانيه متعمقة راح اعملكم
كيف تسون المنحى عن طريق الشكل يعني هم تقريبا نفس شي لا تلخبطين نفسك
كلنا كذا ننسى انا ب الكلية اتعلم برامج ثانيه والمس دائما تقول لنا اكتبو الخطوات
عشان راح تنسون واتركو التطبيق بعد ما تكتبو الخطوات
ومع الممارسة الدائمة راح تحفظو الادوات وغيرها
انتي احفظي الفيديو ف جهازك من الفور شيرد
لا تهتمين شي طبيعي ف البدايه تنسي انصحك تصممي تصاميم دعويه وحطيها
بحسابك ب فيس او تويتر او اي مكان منها تنتشر تنالي الاجر صدقه جاريه حتى بعد الموت
(الله يطول بعمرك )ومنها تتعلمي وراح تتعودين
وكمان حطي ف المنتدى ب قسم تصاميم تصاميم دعويه
يعني اقل شي ب الاسبوع مره او الاسبوعين ومع الوقت والممارسه مراح تنسي

اتمنى اكون افدتك عزيزتي وكمان انتظر منك نماذج لشروحات تبين انزلها
وتتعلمين كيف تعمل بالفوتوشب

لا اله الا انت سبحانك اني كنت من الظالمين

العفو عزيزتي
انتظر منك نماذج تبين اشرحها او ما تعرفين كيف انعملت ف الفوتوشب
عشان تكون الدوره مفيده اكثر :)

ممكن تخفي العين من اللير الاولى و الثانيه ( اقصد الحد + اللون )
متاكده انك تضغطيهن سوا ؟؟؟ وحاطه التحديد ع الصورة لان هذه هي الطريقة الفعليه
جربي مره اذا ما نفع رفعي لي الملف عباره عن ملف مفتوح
يعني save as
عشان اشوفه واجرب واذا ضبط اخبرك وش المشكله

ملاحظه ثانيه
شوفي حبيتي انتي مسويه
تاثير لوني ف اللير الاولى ترا م يظهر دخول الصورة ف الشكل فيها <<حبيت انبهك لهذه النقطه
لازم تشيلين التاثير اللوني اول


بس شو كانت المشكله لما مو راضي يضبط معاك الحد ممكن اعرف عشان انتبه لما تسال بنت ثانيه :)

عسى ما شر ما اشوفك هاليومين :huh:
بانتظارك غلاتي وبانتظار تطبيقاتك الحلوه ,,,
واريد منك نماذج تريدي نعمل مثلها عشان ندخل المستوى المتوسط الاسبوع القادم باذن الله