البنات الصغار الي طاقين على الزواج

السلام عليكم

الصراحه استغرب من البنات الي اعمارهم 22 و 23 و طاقه على الزواج مره ادري انها بسن زواج لكن لستها ما شافت شي يعني الصراحه الوحده ما تحسن انها فعلا تبغي تتزوج الي يوم تخلص جامعه وتخلص دراستها وتجلس في البيت كم سنه خلاص تحسنها جاء الوقت الي فعلا محتاجه تتزوج جلست البيت والفراغ الي تمر فيه
فراغ عاطفي تحس فيه لانها مو مشغوله بشي زي ما كانت وقت الدراسه وتبغي مملكه هي تتحكم فيها وبتنظيمها مو زي يوم انتي عند بيت اهلك
لكن والله استغرب مره الي صغيره لساعها عمرها 22 وميت على الزواج الزواج مسئوليه
ادري شي فطري لكن ليه مستعجله مره وسن الزواج حين التغير مو زي اول دحين يتزوجون 26 او 27
وكثير من اعرفهم اتزوجوا كذا
نفسي اعرف اشبهم البنات ميتين على الزواج وهي لساعها صغيره وتدرس اعتقد من الي تشوفه في عالمنا المفتوح تبغي تجرب يعني اول زمان كنا بس نسمع لكلم صحباتنا يوم يتزوجون قلي كلام حلو ومدري ايه لكن دحين علشان في افتاح فشيفين العلاقه بين الازوج مدري انت اش رايكم
يعني الي عمرها 22 لسه معها وقت ثلاث سنين او 4 الي ادا شايفه اخواتها متاخرين بالزواج وخايفه على نفسها على على العموم الله يرزق كل بنت بالزوج الصالح الي يخاف الله فيها
واعطوني ارائكم في هذي الموضوع اش السبب الي خليهم ميتين على الزواج وهم لساعهم معاهم وقت انا ماقول الي جاء نصيبها ما تتزوج لا لا تفهموني غلط انا اقول الي ماجاء نصيبها وزعلانه وشايل هم وهي لساعها معها وقت عمرها يدوم 22
والله كانت معايا وحده في الجامعه تقولي ما تحسين ياجودي ان كل البنات الي في سننا اتزوجوا وهي عمرها 23 حسستني ان عمرها 30
يلا انتظر ردودكم وتفاعلكم مع الموضوع
بكل ادب زي ماتعودت منكم والشي الثاني مابغي وحده تقول واش تبغون من الزواج الزواج مغثه وقرف دارين ان الزواج مسئوليه وهدي شي فطري لكن انا سؤالي الي البنات الي لساعهم معاهم وقت وصغار وشايلين هم