مجربات الولادة في مدينة الملك فهد الطبية

حبيت افيدك ولاتنسيني من دعواتك بالعافيه
اولا مسموح دخول الزوج او اي مرافق امك اختك اي احد
وبالنسبه اول ماتدخلين غرفة الكشف مشتركه طبعا عادي يكون رجال ولا حرمه على حسب الي يناوب ذاك الوقت
وغرفه الولاده خاصه فيك
وبالنسبه للخياطه انا ولدت قيصري ماجربت الطبيعي والسبب هم حطوني بغرفه اخروني كثير وقالوا ضعف النبض وخلاص عمليه
ومعامله الدكتورات والقابلات قبل الولاده جدا ممتازه لكن بعد الولاده اعوذ بالله مسلطين عليك والطفل معك من بعد الولاده باربع ساعات بس والغرفه فيها اربع حريم واربع اطفال وكلهم لانمتي صاح ولد الي جمبك ولا ولدك ولا تنامين ابد ومعاملتهم سيييييئه لابعد الحدود
هذي خبرتي فيهم
لاتنسيني من دعواتك الصادقه بالعافيه والله ماعمري رديت على احد غيرك بس قلت بفيدك

ويختي دامك تقدرين تدفعين فلوس ماشاء الله وش حادك عليهم روحي لاهلي وريحي نفسك ودلعي نفسك ترا الطبيعي عندهم بخمس الاف والاهلي ارخص منهم واحسن

انا ماجربت الولاده فيه لكن قريباتي يمدحون فيه
دخلت موضوعك وبعد ماقريت استفسارك حبيت انصحك
اشجعك وبقووووه عليهم افضل مليون مره من خاص ماتعرفين خبرتهم ولاكفائتهم وممكن لاسمح الله تحتاجي دم حظانه ،،،ويكفيك خبره الاطباء فيه. حطي فلوسك فيه وتوكلي على ربك

ي ختي معروف الحكومي احسن بكثير من الاهلي ولايصبرون عليك يبون قيصري ع طول عشان فلوس ومستحيل اهلي ب خمس الاف طبيعي واقل مستشفئ سته الاف بس ولاده ولاجيتي تطلعين طلعو لك مليون شي تطلعين بعشره وانا ماادري طبيعي او قيصري لان ولادتي قبل قيصري

انا ولدت عندهم قبل ثلاث سنوات

وكنت قبل يوافقون على طلبي فكرت اولد عندهم بفلوس
بس قالولي معاملتك زي الي ولدت ببلاش؟
البيبي معك الغرفه مشتركه مافي فرق ابدا

تولليدهم كويس وخياطتهم انا شيكت عليها بخاص وقالت ممتازه ولدتني دكتوره هنديه مدري باكستانيه
والقابله كانت هنديه وكويسه صراحه بس انا كنت هاديه واحاول قد مااقدر مااصرخ الا وقت الدفع انهبلت خخ

والزوج مسموح يدخل
ويكون في طاقم استشاري ومعاه دكاتره انا ع وقتي كان رجال ودخل علي قال لو تعسرت ولادتك راح ادخل
والحمد لله مادخل

التنويم حقهم عادي اقرب للسيء شفت نوبتين للحضانه وحده حتى عيت تغير البامبرز شلون اقعد ع حيلي تبهذلت
والثانيه عسل حتى رضعت بنتي صناعي لان مافيني حليب

وتقدرين تستاجرين غرفه خاصه او جناح لو حبيبتي ويكون معاك مرافق فيها عادي

وابرة ظهر حسب علمي ماعندهم !