روتينك اليومي .. شاركونا

السلام عليكم 
بنات حابه اسوي موضوع عن الروتين اليومي منها نستفيد من بعض ونكسر الروتين ونجتهد ونحفز بعض عالاجتهاد والتنظيم وراح ابدا عشان تفهمون قصدي 
انا انام بدري ممكن 11 اقل او اكثر بساعه اهم شي ما اسهر 
واقوم اصلي الفجر وارجع انام واصحئ على 9 اول شي ارتب سريري وانفض المخدات ثم ادخل الحمام اذا يحتاج غسيل غسلته عالسريع واخذت شور دافي واطلع البس  واحط ميك اب وعطر واسوي فطور وافطر ثم اكنس غرفة الجلوس وامسحها واحط الغسيل لاني اغسل كل يوم افضل ما احب تجميع الغسيل واذا جيت انسر الغسله طبقت حق امس ورجعته للدولاب  ثم امسح السيراميك واجلس عالنت ساعتين بعدين اسوي الغدا وبعد الغدا ارتاح ساعه وعالعصر اسوي قهوه لاازم تعدل مزاجي وبخوري جاهز وان بغيت اطلع طلعت واذا ما طلعت شفت لي شغله اما امسك غرفه وانظفها او شي فالمطبخ ثلاجه او فرن ووبعد العشا اسوي عشاي واغسل مواعيني واقرا اذكاري والطط من كريماتي وانام هههههه 


يلا كل وحده تقول روتينها اليومي 

22 تعليق 9,303 مشاهدة

شاركي في النقاش

سجلي الدخول لإضافة تعليق.

التعليقات

22
  1. موضوعك حلو


    بالنسبة لي نظامي غير مثالي بس ابكتبه

    انا انام بعد الفجر واصحى الساعه 2 الظهر افطر والعصر اذا كان عندي مشوار اروحه احب اخلص اغراضي العصر

    المغرب نسوي قهوه ونتقهوى بعض الاحيان يكون عندنا زوجات اخواني وبعض الاحيان لا

    بعد العشاء احيانا اسوي العشاء واحيانا اختي ومن بعد العشاء افتح الابتوب واسهر طول الليل عليه

    شوي منتديات شوي تويتر شوي يوتيوب وكل مره اقوه ابقرا كتاب مفيد احسن لي بس عاد النت مايخلينا والمواضيع القصيره والتغريدات تشدنا اكثر للاسف



    اشكرك على الموضوع واتمنى البنات يشاركوننا

تابعي تجارب أخرى من هذا القسم.