السلام عليكم ورحمة الله
بنات احس بكتمة في صدري وماني قادرة اضحك ولا حتى ابتسم من قلبي
وجيت افضفض شوي عندكم
اصبحت مااستحمل كلام زوجي واعصب عليه على اي شي واعاتبه كثير لان في قلبي حاجات زعلتني منه
وماأعطاني فرصة اعاتبه او يبرر لي او افتح قلبي له الخ ...
فعدم المصارحة خلتني شايلة في قلبي عليه واي موقف يبان زعلي عليه حتى ولو بسيط
واعطيكم مثال زوجي الحين يبني بيت صغير لقريبه بدون تحديد هو قريب له جدا
و قال لي ان الصالة سواها بكذا متر يعني اكبر من صالتي فرديت عليه وقلت له ليش انا لما طالبتك تزيد في صالتي رفضت والحين عرفت تزود
وانا كنت طلبت منه يكبر صالتي شوي عشان اخلي مكان للطاولة ورفض
المهم سكت وفي الاخير قالي هذه ارزاق وسكتني
وفيه مواقف ثانية يتعامل معاها بنفس الاسلوب يطنشني ومايعطيني فرصة اتكلم
وبالتالي ابقى شايلة في قلبي وماأتعامل معاه زي اول بقلب صافي
انا حابة ارجع زي اول لكن مو قادرة
علما اني متقوقعة حول نفسي لاصحبات ولا اهل ولا خرجات لاني بعيدة عن الاهل
يابنات والله اني اكتب وانا ابكي من الحزن اللي صدري
ماأحس بالفرح ولا بالنشاط
ماادري كيف اغير جوي ماعندي غير هالجوال
استغفر الله الذي لا إله الا هو الحي القيوم واتوب اليه
شاركي في النقاش
سجلي الدخول لإضافة تعليق.
التعليقات
12- ياحياتي بسم الله عليك من الضيقة والهم
صلي ركعتين واشكي لربك همك هو القادر يفرج همك ويسخرلك زوجك - ،
اول حاجه قولي لا اله الا الله
وقومي صلي لك ركعتين خاشعه وأدعية ربك انه يزيح عنك كل هم ويشرح صدرك
واستغفري على سجادتك بينجلي بإذن الله ضيقة ..
نصيحتي لك يا قلبي :
اجلسي مع زوجك جلسة مصارحة قولي له محتاجه هالجلسه بس لازم تكون نفسيتك حلوه ومروقه وقادره تمسكين نفسك وهو كذلك يسمع لك لما تتكلمين وأنتي كذلك
صاريحه بالأول بأنك متضايقه ومحتاجه تكلمينه عن كذا موضوع ضايقك اتجاهه وابدئي انتقي ارق الكلمات وأنتي تناقشينه لا تستخدمين الحده بالكلام حتى تطلعين من الموضوع وأنتي مرتاحه وبنتيجة ترضي الطرفين وإذا فضفضتي لزوجك خليه يتكلم ويشرح أسبابه .
اذا انتهى خليه يتكلم هو يصارحك عن أشياء فيك تضايقه تقبلي كلامه بصدر رحب واستمعي له وحاولي تغيرين منها .
كثير احيان يحتاج الزوجين لمثل هذي الجلسات حتى ماتتراكم الشحنات بينكم ويبدأ الكره شي فشي لازم تحلون مشاكلهم من البدائه وبتشوفين بعد هالجلسه نفسيتك بترتاح ،ثم ابدئي غيري منها .
تدرين ليه تقولين مايعطيني فرصه أعتابه او يبرر لي موقفه ، فكري بنفسك أسلوبك وأنتي تعاتبينه كان كيف اذا برفع صوت ومعصبه فطبيعي مارح يسمع منك ،لكن اذا جيتيه بأسلوب هادي وجلسه هاديه تاخذين وتعطين معه وتتقبلين كلامه بكل رحابة صدر راح يسمع لك وراح يغير من نفسه والعكس صحيح
حاولي انك ماتقارنين نفسكم بالناس راح تتعبين ، كل شخص وله خصوصيات تختلف عن غيره
داومي على الأذكار والاستغفار والدعاء مفتاح لسعاده وفتح أبواب الرزق وتعوذي من الشيطان مدمر البيوت
والله يشرح صدرك وييسر أمرك - انا ابا انصحك
لاتخلي الفرااغ يكون سبب همك يعني وقت الفراغ اغتنميه بأشياء مفيده ماتذكرين الاشياء اللي تزعلك
وخليكي قنوعه وارضي بالموجود مو عشان الصاله لا بس في حيااتك كلهااا
عشان ربي يزيدك ويوسع رزقك والقناعه انك تقولي الحمدالله طول الوقت وبكل رضى
ونصحيه اخيره شخص تحبيه خلي قلبك صافيلو دايما زعلك صارحيه بوقتها لاتشيلي بقلبك وتزعلي بدون ماتصارحيه انااا اليوم شفت صحبتي الروح بالروح بكرا مااضمن اشوفها يا انا اللي اموت او هي ربي يتغمد روحها قبل ماتنامي اتساااامحي مع الكل اللي غلط عليك سامحيه واللي غلطتي عليه استسمحي منه والله ماتدرين ياقلبي يمكن ننام ومانصحى
وحاجه اخيره لاتخلي الهموم تشيبك وتعجزك قبل اوانك دايماا فضفضي او اتناسي احسن لك - حياتي انتي يامجرد انثى ربي يخليك حبيبتي كلامك زي العسل ع قلبي
والبنات اللي ردو الله يوفقكم حبيباتي ماقصرتو
بدي اضيف شي انتم تشوفو موضوع الصالة عادي وتافه لكن بالنسبة لي مو مجرد صالة
يعني انا اطلبك شي وترفضه وغيري تسويه له بكل سهولة هذا هو احساسي
وموضوع المقارنة انا ماأقارن نفسي باحد هذا زوجي نفسه اللي بنا بيتي هو نفسه اللي يبني لقريبه
يعني ماقارنت باحد ثاني
والحمد لله رب العالمين
مواضيع مشابهة
تابعي تجارب أخرى من هذا القسم.