شاركي في النقاش

سجلي الدخول لإضافة تعليق.

التعليقات

988
  1. @ana_oallyl_1

    M!ss toot
    والله اللي تكلمت عن قمصان النوم ف شنطة السفر صادقة . انا قلت كذا ولا كذا مابلخذ قمصان كثير للسفر يمكن اخذ ثلاث والرحلة مدتها 14 يوم شرايكم .. وبحاول اختار الاقمشة اللي ماتتكمش واغلب الايام بالبس شورتات وبجايم لاسنزا اللي تجي قطن بس قصات ا…
    كيفك مس توت
    انا بسافر 3اسابيع ان شاء الله
    صعب ماناخذ قمصان اذا مالبست لشهر العسل متى بلبسهم
    واغلبهم نصحوني اخذ لان الفنادق دافيه بصراحه ورطه
    انا كويتهم وعلقتهم وقبل السفر بسدحهم بالشنطه بدون تصفيط عاد اذا تعفسو وش بسوي خخخ بلبسهم كذا
  2. @taab_alantthar

    مبروك ياعرايس الله يتمم لكم على خير يارب




    حابه اسأل بنات مكة
    اذا يعرفوا قاعات حلوه تنفع للشبكة غير قاعه الملكة والشامخ الي بالشرايع
    ويكون سعرهم بحدود5او6او7 الاف وتكفي 350او400 حرمه

    وابي محل تزيين الكوش يكون حلو وسعره معقول



    وحابه اسألكم
    هل عدد القمصان كافي يكون7
    طبعا غير عدد البجايم الي تكون ستان وقطنيه مابين طويل وبرمودا 
  3. سسسسسلامم عرايسس


    انا عروس بشهر 29/5
    الى الان ماجابوا المهر ومحتاره ومتوترة من التقضية ممرا مافي وووقتت بليزز بنات ساعدوني انا ماعرف ايش احط بشريط الزفة والفستان ايش موديل السنه دي والمسكة ابغى اعمل حركة حلوهه بزفه ايش رايكمم الله يسعدكمم ردوا علي بدعيلها بظهر الغيب


    انا بجدة وفرحي بالمدينه
  4. @robin_1

    mayala
    سسسسسلامم عرايسس انا عروس بشهر 29/5 الى الان ماجابوا المهر ومحتاره ومتوترة من التقضية ممرا مافي وووقتت بليزز بنات ساعدوني انا ماعرف ايش احط بشريط الزفة والفستان ايش موديل السنه دي والمسكة ابغى اعمل حركة حلوهه بزفه ايش رايكمم الله يسع…
    انا لو منك اخد سبعة للأسبوعين بالاضافة للبجايم تكفي عشان البس و اكشخ وانبسط بشبابي و عريسي و شهر عسلي
    و على قولة الاخت اللي ردت قبلي
    اذا مالبستيهم في شهر العسل متى تلبسيهم
    حلاوتهم في شهر العسل و انتي عروس و طبعا خدي من البجايم اللي قلتي عليها يمكن لسبب ما ما ترتاحي في القميص و تحتاجي تلبسي بيجامة
    برضو الاحتياط واجب

    الله يتمم لك على خير و تروحي و ترجعي بالسلامة يارب




    امين يا رب

    ربي يجعلك نصيب في كل دعوة حلوة تطلع منك




    الله يبارك فيكي و يتمم لك على خير و مبروك لكي كمان

    ما عندي جواب لأسئلتك بما اني مو من مكة

    بالنسبة للقمصان و الله حتى انا لحد الان ماني عارفة كم واحد اشتري

    عندي خمسة قصير و تلاتة طويل و ماني عارفة اشتري اكتر و لا اكتفي
    فسبتها للتساهيل
    خفت اني بعد الزواج الاقي قمصان احلى و اصير ابغا اشتري او احمل على طول اذا ربي راد و يصير صعبة البس اللي جهزتهم

    و الله ما ادري

    يووووه حوسة الجهاز حوووووووووووووسة و خاصة اللبس

    يا بخت العرسان ما يشيلو هم لبسهم




    معايا بشهر خمسة هلا يا الغلا هههههههههههههههههههههه

    ابدا ابدا ما في وقت
    بس شوفي اذا انتو حالتكم المادية طيبية حطيلك مثلا خمسة و عشرين الف و اشتري و جهزي و قضي فيها و لما تستلمي المهر ان شاء الله ترجعيها لأهلك

    بالنسبة للزفة و الفستان لسا ما فكرت فيهم
    الزفة سلمت موضوعها لأختي هي تختار و تسمعني و اشوف ايش يناسبني اما الفستان فماراح اتعب
    نفسي راح انزل السوق اعملي فرة عالمحلات و الفستان اللي يعجبني و يناسب شكل جسمي راح اختارو
    بغض النظر موضة هادي السنة او اللي قبلها لكن طبعا ما راح اختار موديل قديم

    والمسكة لسا ما اخترتها بس بفكر اخد باقة ورد من الصناعي اللي يشبه الطبيعي منظرو حلو و كمان ما ينشف و لا يموت يقعد ذكرى ان شاء الله بس طبعا حابة اضيف في الباقة كم وردة طبيعية تطلع احلى و احلى

    فين فرحك ان شالله في اي قصر؟
  5. @robin_1

    بنات

    فاكرين لما قلت اني ابغا قصر الليلك عشانو رخيص و سمعت انو من القصور الحلوة بس الصغيرة

    في البداية اهلي ماكانو مقتنعين عشان العام على ايام زواج اختي راحو شافوه و ماكان قد كدا بس سمعت

    انو اتجدد و لما رحنا قبل كم يوم شفناه و الله يا بنات ماشاء الله تبارك الله مرررررة صار حلو ماشاء الله

    جددوه و غيرو اشياء كتير عند الحريم و عند الرجال و الكراسي صايرة جدا حلوة و مرتبة

    و الكوشة مرة حلوة

    اختلف 180 درجة عن القصر اللي شفناه السنة اللي فاتت ما شاء الله حلو

    بس انو صغير شوية بس مو مشكلة لأن معازيمنا و معازيم اهل العريس قليل


    كنا ناوين نروح مع اهل العريس نتفرج بس نحجز في ليلة عمر او ريتاج طيبة بس لما شفنا التغيير

    والفخامة استخرنا و اتكلنا على الله و اخترناه




    بنات مين حضرت فيه فرح قريب تجي تحكينا الله يسعدها

تابعي تجارب أخرى من هذا القسم.