السلام عليكم ورحمة الله وبركاتة
اخواتي ابي حل لمشكلتي
انا تتطلقت وعندي ولدين يوم انفصلت كان عمر الكبير سنة ونص وحامل في الثاني وتركهم ابوهم عندي ولاسئل عنهم ولاشي قال اذا تبيهم تتنازل عن المصروف وبحكم عاداتنا واعراف الاهل اذا كان الزوج قرييب لك ومافيه شي اسمه محاكم قالوا اهلي ماتبيلك شي لاني كنت متعلقة في ولدي وخايفة عليه وكنت موظفة في مدارس اهلية براتب 1200 ريال وعشت حياتي مرة فرح ومرة نكد مثل كل حياة الناس
الان ولدي الكبير باول متوسط وما يحب المدرسة كليا كل يوم يقول افصولني مايبغى يذاكر مايبغى يتعب نفسة في حل الواجبات يبغى العاب فقط ونوم وتلفزيون وجوال عبارته ( وش استفيد من الدراسة اللي درسوا قعدو في بيوتهم)لا وظايف ولاهم يحزنون حاولت اشوف اذا احد مضايقة في المدرسة مافيه شي بس يبي لعب ووناسة على الرغم موناقصة شي كل سنه جوال جديد حسب رغبته من يوم كان في ثالث ابتدائي عندة سوني وايباد 3 ولاب توب خاص فيه مع ملحقاته اذا اجتموا اصحابه في مكان عام ملاهي مثلا اوديه لهم يلعب وينبسط معهم
الموهم انا مدخلته مدرسة اهليه كبير ودراستها ماعليها والله اني ادفع سنويا 19000 للمدارس
معتمد علي في حل الواجبات والتخطيط الدروس واوراق العمل حاولت اتركه يعتمد على نفسه جاب العيد في اختبار اته رجعت اتبابع معة بس ماحولي احد كل يوم مشاكل وصراخ ويتلفظ علي بالفاظ سئية موكاني ام له واهلي تذمروا من مشاكلي معة وكل يوم يسمعوني البيت يصير هادي لين ترجعون من دوامكم والاتنامون وتريحونا ازعجتونا بهاوشكم وصراخك انتي وولدك ما يحترم امي ولاخواله ولاشي مو معبر احد اذا كان سلوكه كذا الان وش بيسوي لكبر وصار في الثانوي وطلعات وخرجات مع ربعة
افكر اوديه لابوه بس والله قلبي مايتحمل بعده اكتب لكم الان ودموعي علي خدي من الحيرة اللي فيني
ابوه متزوج اخاف عليه مايهتم فيه تتخييلون الان ولدي بيخلص 13 ويدخل 14 سنه ومن يوم انفصلت ما شاف ابوه لان ابوه ماعمرة سئل عنه ولايدري عن هوى داره له مايقارب 12 سنه ماشافة
وشللون بيتعامل معه
اسعفون[/SIZEي] ابي حل الله يسعدكم دنيا واخره ويصلح لي عيالي ويصلح لكم اعيالكم
شاركي في النقاش
سجلي الدخول لإضافة تعليق.
التعليقات
39- وعليكم السﻻم ورحمة الله وبركاته
خربتيه بالدﻻل الزايد انتي بعتقادك تعوضينة عن غياب ابوه بس للاسف بهالطريقة انفلت
ماعلينا دامة مراهق يمديك تربينة هواكيد متعود على الدﻻل عاقبية باليوم اللي يغاب افصلي النت عنه او خوذي جواله منه
مقﻻ يطلع اخر اﻻسبوع لم ل او مطعم عاقبية بالحرمان من الطلعة وﻻتعطيه ريال لمى يتربى ويسمع كﻻمك
الصراخ والظرب مع مراهق مايفيد مايلوي ذراعه اﻻ الفلوس ووسائل الترفيه
ربيه ع اﻻحترام اشرطي عليه وﻻسوى شي حلو بيني انك مبسوطة فيه انه كبير وبيصير يتحمل مسؤولية
تحلين واجباته وغيرة ﻻ بطليها ساعديها ممكن لكن يتكل عليك بالكامل ﻻ
اله يهداه pink fo0ofo0o وعليكم السﻻم ورحمة الله وبركاته خربتيه بالدﻻل الزايد انتي بعتقادك تعوضينة عن غياب ابوه بس للاسف بهالطريقة انفلت ماعلينا دامة مراهق يمديك تربينة هواكيد متعود على الدﻻل عاقبية باليوم اللي يغاب افصلي النت عنه او خوذي جواله منه مقﻻ يطل…
اشكرك اختي على تجاوبك
والله استخدمت معه الحرمان الاجهزة مايشوفها الانهاية الاسبوع لكن بدون فائدة
واذاكان مسوي شي في وسط الاسبوع احرمه نهاية الاسبوع من الاجهزة بس صراخ ومشاكل معة حتى اهلي واخواني يقولون مانرتاح لين نطلع من البيت بسبتكم
وحن وزن لين ياخذ اللي يبي ويجي نهاية الاسبوع ويتاسف على اللي سواه عشان اعطية الاجهزة بس عشان مايصير مشاكال مع خواله لانهم صاروا مايتحملون صراخه وسبه لي ولهم وهم بعضهم عصبي جدا ممكن يضربه لين يسف تراب وتصير مشاكل بين اخواني بسبت ولدي
لدرجة امي تدعي علينا وتقول ياليت ماعرفناكم ياليتك تفارقينا
وانت عارفين الاهل ماعندهم بنت تعيش لحالها في بيت مستقل
واللله اني في حيرة مايعلمها الا اللهراسيل222 اشكرك اختي على تجاوبك والله استخدمت معه الحرمان الاجهزة مايشوفها الانهاية الاسبوع لكن بدون فائدة واذاكان مسوي شي في وسط الاسبوع احرمه نهاية الاسبوع من الاجهزة بس صراخ ومشاكل معة حتى اهلي واخواني يقولون مانرتاح لين نطلع من البيت بسبتكم …
الله يعينك يا قلبي
شوفي يا حبيبتي اولا حكاية انك توديه لابوه انسيها
ماغير بيتقطع قلبك لكن عليك بالدعاء الدعاء والاستعانة
بالله بعدين تربية المراهق صعععبة يبغى لها صبر وطولة بال
باقول لك الحل اللي عندي
تكلمي معاه وقولي له انت كبرت وانا ابغى اعتمد عليك ولازم
تتعلم وتشتغل وتريحني وكلميه عن اهمية التعليم لذاتها
ازعلي منه لا تكلمينه اهجريه يومين وقبل ما تطلبين منه شي
ادعي الله يعينك عليه وقولي له والله لو تركت الدراسة ماعاد اجيب لك
شي الا الضروري ولا اخليك محروم وما اجيبلك سيارة اذا خلصت الثانوي
وكل يوم كرري نفس الكلام لين يستوعب لانه ماراح ينفذ من اول مرة ولا حتى عاشر مرة
وحاولي تخلي اي احد من طرفك يكلم المرشد بالمدرسة عشان ينصحه ويفهمه- الله يفرح قلبك بصلاحه
ادعيله بالهدايه الله يعيننا ع العيال وتربيتهم عبير88 الله يعينك يا قلبي شوفي يا حبيبتي اولا حكاية انك توديه لابوه انسيها ماغير بيتقطع قلبك لكن عليك بالدعاء الدعاء والاستعانة بالله بعدين تربية المراهق صعععبة يبغى لها صبر وطولة بال باقول لك الحل اللي عندي تكلمي معاه وقولي له انت كبرت وا…
حبيبتي هذا دلعك له، وهذي نتيجة المدارس الاهليه
الحكوميه فيها شده وتربيه وادب اكثر من الاهليه
ياريتك دخلتيه مدراس التحفيظ اقسم بالله هي اللي تنشأ جيل صالح تزرع في نفوسهم حب الدين وكل اللي اعرفهم في مدارس التحفيظ فيه نزززعه دينيه وحنيه لاهلهم .. الله يصلح لك اولادك بس انتبهي الثاني لاتربينه بنفس الطريقه،،
وحاولي ندخلينهم في العصر نوادي او تحفيظ
مواضيع مشابهة
تابعي تجارب أخرى من هذا القسم.