بسم الله الرحمن الرحيم والحمدلله رب العالمين
والصلاة والسلام على رسول الله وع آله وصحبه اجمعين وسلام ع المرسلين
انا سبق وحطيت لي مشكله هنا والله يجزاكم خير ع كل من رد علي
عندي مشكله بالكليه
هي انا
ماقمت امييز
فيه زميله لي وعلاقتنا سطحيه نوعا ما بس انا تعبت لانها
مره قالت لي اجيب لها مذكره لظرف عندها
عذرتها وجبت لها
وترسلي تبيني اصور التخطيط عن طريق الواتس
عذرتها وارسلتها
ومره من المرات!!!!
اتصلت علي وقالت لي بالمحاضره لاجت الدكتوره اتصلي وسكري
وجت مره ثانيه تبيني اشريلها مذكره
وفيه بنت ثانيه بعد
ساعدتها وعطيتها كتابي
وكتابي الثاني
وجتني
للمره الثالثه
تبي كتابي
بس انا والله ماقدرت اعطيها
لاني امتحاني إن شاءالله هالاسبوع
سؤالي
كيف افرق بين اني اساعدها عشان إن شاءالله الاجر
وكيف افرق بين اللي راعية مصلحه
ودي اساعدهم من باب
الله في عون العبد مادام العبد في عون اخيه
بس احس اللي اسويه غلط
شاركي في النقاش
سجلي الدخول لإضافة تعليق.
التعليقات
9- ساعدي الناس بشي مايقدرون يسوونه لحالهم او مايقدرون عليه اما شي قادرين عليه بسلامتهم ليش هن مايسون هالشي اللي يطلبنه منك ميخالف مره مرتين مو مشكله بس باستمرار لا
- اذا بمزاجك وراضية تسمى مساعدة اذا عطاءك غصب وماودك فيحتاج الموضوع اعادة نظر انك تتعلمين متى تقولين لا
- معليش تطلع وتنبسط وانتي وتدقين اذا بدت المحاضره اذا سوتها قولي معليش ماكان عندي رصيد! واذا قالت صوري قولي محد موجود يصور لي ؟ ياسلام والله ترامض وتلعب وتبسط طول السنه واذا جا الجد يلا عطوني اسفهيها بسسسس
- شوفي ياقلبي بقول لك عن نفسي
انا تعاملت مع هالنوعيات كثييير بحكم ان متفوقه ماشاء الله ولله الحمد
يعني اذكر لما كنت بثاني جامعه وانا جالسه بالقاعه جتني وحده وجلست جنبي وتعرفت علي واخذت رقمي
بعدين اتصلت علي تطلب كتب ﻻن هي سنه جديده وانا عندي بعض الكتب قمت ساعدتها واعطيتها واحنا تخصصنا واحد
وصارت معاي بماده ترسل لي وش اللي خذينا وصوري لي وارسلي لي ومن هالحكي وانا اساعدها من باب حب ﻻخيك ماتحبه لنفسك
جينا سنه ثالث ماكانها تعرفني والله والله انها تمر من عندي وتطالعني وﻻ تسلم ماكانها تعرفني ابد خلصت مصلحتها مني وانا استغربت حيل احيانا نكون جالسين قبال بعض تطالع لي عادي كاني وحده غريبه
جينا الترم الثاني وصارت معاي بماده تخيلي جت تسلم وترسل لي وتناديني تبي تسولف انا صرت مااعطيها وجه ابد ﻻني عرفت هالنوعيه اللي تتمصلح فيك واذا انتهى الترم تشوفك وﻻكانك شي
انتي ساعدي اللي تشوفينها تستاهل وسالفة اشتري لي ومدري ايش ي حبيتي انتي ملزومه من نفسك وبس
اﻻ اللي تشوفينها عندها ظروف ساعديهااا
وبالنهايه مساعدتك لكل بنت اعتبريهااا اجر وصدقه لله سبحانه وتعالى
وعسى الله يوفقك وتنجحين وتجيبين اعلى معدل
دعواتك لي .. - ذكرتيني ايام الجامعه كانت هوايتي الخص المواد واطبعها واطلع اشياء جديدة من مواقع تعليمية لدرجة انه الاستاذات صاروا ياخذوا ملخصاتي ويحطوا الامتحانات منها وانا مانشرت الموضوع بس كنت اعطي شلتي يصوروها لانه هم كانوا اذا غبت او احتجت شي مايقصروا بس انتشر الخبر ومدري مين اللي نشر رقمي وتعالي شوفي وقت الامتحانات جوالي ما يسكت وكله مصالح والمشكلة ناس ما اعرفهم بس وصلهم الخبر طيب وينكم طول السنة ولا بس انا الللي ادور واطبع وانتوا جايين بالنهاية على الجاهز فصرت ما اعطي احد وجه واللي من جد مجتهدة تبدا تدور من اول السنة اساعدها بس مصلحة لا واصلا بعد ماياخذو مصلحتهم ماعاد يتعرفوا عليكي لين يكون عندهم مصلحة ثانية
مواضيع مشابهة
تابعي تجارب أخرى من هذا القسم.