اللي عندها خلفية عن محلات التأثيث بالرياض تدخل

السلام عليكم ورحمة الله وبركاته


بديت برحلة البحث عن اثاث للمجلس ومريت كثير محلات وبصراحه لسى مالقيت
ضالتي المنشودة .. لقيت اشياء جميله عند القفاري لكن 4 قطع ب 10 الاف وماقدر ازيد
عدد القطع الا لو اشتريت الطقم كامل! مريت ع محلات تفصيل الكنب بالروضه قريب مني
واغلبها كان اثاثه قديم .. وبصراحه طفشت الحين ابي ترشيحاتكم ياحلوين
ابي شيء حلو ويواجه لمجلس الرجال وبسعر معقول لان المجلس عندي كبير شوي
وش محلاتكم المفضله بالرياض المضمونه ؟ علماً بأني ماطلب شيء رخيص مرة
لكن ابي شيء سعره معقول .. ومافي شيء معين براسي كله ينفع كلاسيك او مودرن

نفس الشيء بالنسبه لطاولات الطعام حقت الضيوف .. تنصحوني اشتري من وين!
نفس الشيء اغلب اللي لقيته كانت الاسعار 9 الآف وطالع .. فحبيت اسأل
هل ممكن القى شيء بسعر اقل ونوعية كويسة ؟؟ ووين بالضبط بالرياض

جزاكم الله خير مقدماً

14 تعليق 4,861 مشاهدة

شاركي في النقاش

سجلي الدخول لإضافة تعليق.

التعليقات

14
  1. @cool_lady_1

    اختي الكنب الغالي بيكلفك لن مجلسك كبير
    مالك الى التفصيل بس تفنني ولا تعملي شي مكرر
    وطلعي ابداعاتك وهتمي بكل ركن فيه واذا تبي مساعده في الاختيار نزلي صورة مجلسك
  2. المحلات اللي بمخرج 17 حلوه شوفيها
    وعندك اسواق بن دايل فيه كدا محل في مقدمة السوق حلوين شغل قماش ونوعية خشب وكمان اسواق النخبه شوفيهم
    وفي محلات باسواق العويس جهة مركز رايز ومحلات الاثاث هناك خاصه طاولات الطعام متوفره عندهم

تابعي تجارب أخرى من هذا القسم.