بنتي في التمهيدي وماعطوها الشهاده وبكت ... تعالوو شوفو وش صار ..!!

طيب يمكن هالحركه تكون من صالحها عشان تعرف انو اللي مايشارك ولا يتجاوب مايعطونه شهاده انتي فهميها بهالطريقه

نصيحه خرجي بنتك واكيد لازم تتكلمين مع المديره وتبينين لها وجهة نظرك وكلمي معلمتها انو مو هذا الاسلوب الصح فيه اسلوب للتعامل مع الاطفال ارقى من كذا بردي قلبك فيهم وروحي محل الالعاب وخذي لبنتك احلى هديه واطبعي لها شهاده وقوليلها هذي شهادتك وهذي هديتك عشان نفسيتها وغيري روضتها لان نفسيتها راح تتعب لما تتذكر الموقف

لعلمك تربويا مرحلة رياض اﻻطفال تكون لتعليم الطفل اﻻندماج في مجتمع اﻻطفال من اقرانه وليس لتعليمه معلومات وقﻻاءة وكتابة
المفروض اهتمامهم بنفسية الطفلة قبل اﻻهتمام بكم معلوماتها

اشكركم .. من كل قلبي .. وان شاء الله استفيد من ارائكم.. وبالنسبه للمديره فماتستاهل منصبها .. على حركتها البايخه .. دمرت نفسية بنتي .. ولو بنتها بنفس مكان بنتي ماسوتها .. لا وكمان تحرجتني قدام الامهات .. 


وبقدم شكوى لوزارة التربية الاسبوع الجاي وتعرف ان الله حق .. ولمعلوميتكم اوراق اختباراتها من بداية الفصل  موجوده عندي وكلها اتقنت .. والتقرير كمان موجود سلموهم قبل شهر وكله ممتاز وجيد جدا الا القران جيد .. 

ليش هي وقفت على اسبوع الاختبار ..  طيب و حضورها ومشاركاتها  من بداية الدراسه مالها اهمية  .. الله المستعان .. 

شوفي انا معلمه في روضه وهذا الشيئ غلط جدا جدا ومفروض يعطوها شهاده غصب عنهم وهذا يدل ان الروضه فاشله طلعيها الترم الثاني منها وغيري البنت ماراح تتقبل الروضه نفسها