يامتزوجات وياعزابات (انتي او اختك او بنت اختك اواواو)بوقت الخطبه هل مهم الرجل الوسيم؟

متابعة النقاش، صفحة 6

شاركي في النقاش

سجلي الدخول لإضافة تعليق.

التعليقات

42
  1. @ghlaha_6

    قبل ماتزوج كان يهمني الوسامه وماكنت اتخيل اتزوج واحد عادي كشكل

    تقدم لي شخص كويس من جميع النواحي الا الشكل كان عاادي وشكله اكبر من عمره وبعد الاستخاره وافقت 

    الحين بعد العشره اقدر اقول ان الرجال مو بشكله ابببدا برجولته ومواقفه وشهامته ودييينه واذا حبيتييه راح تشوفينه وسييم بنظرج
  2. @hoaaa_ngd_4

    هههههههههههه ياحبيلك والله بمجتمعنا بس كذا تقول البنت ابي وسيم هيااااااااااط دامه مابعد جاء بس اذا طق بابهم خاطب تآخذه لو كان عادي او اقل من عادي دام دينه واخلاقه ووظيفته كويسه خخخخ يعني حتى انتي نفسك تقولين ابغاه يكون مملوح وكلنا كنا مثلك بس اذا جت الصدقيه تلاقينك تبغينه مقبول يكفي ...لان الزواج فيه اشياء اهم بكثييييييييييييييييييييييييييييييييييييييييييييييييييير
  3. @simple_dream

    حلوو الموضوع   امم اهم شي يكوون فيه دين من قلب ومايخلي صلاته ابد وببوالديه ورجال  الشكل اهم شي بالشكل جسمه يعني مابي يكون سمين ولنحيف مرره يكون سط ويحبذا لو معضل شوي وطول ماسب وملامحه مقبوولة يعني صرااحه مهم بالنسبة لي شكله اتقبله بس اجممال والبييااض مرره مااحبه ع الرجال :-)
  4. ما تشرطت في الشكل
    مع إني جميلة بشهادة الكل وانخطبت أكثر من 10 مرات
    لكن كانوا كلهم ما يناسبوني مدري كيف أشرح لك
    زوجي خطبني وارتحت له مع إني ما تشرطت أبغى كذا وكذا
    وطلع بالصدفة وسيم وشكله حلو طبعا مو أحلى مني
    لكن الآن بعد الزواج أقولها بأعلى صوت
    الرجال مو بشكله والله العظيم
    الرجال بمواقفه وطيبته وتحمله المسؤولية وقوة شخصيته

    لأن زوجي الوسيم ما عنده إحساس فيني
    وعنده برود جنسي وغير متفاهم إنسان غير قابل للنقاش
    والله إني الآن بعد التجربة مستعدة أتنازل عن شكله
    بس يكون رومانسي وحنون ويتفهم احتياجاتي كأنثى

    جمالي أحسه ضاع مع هذا الإنسان
    مع إنه يصلي وعارف ربه وما يدخن ولا يحشش
    محترم في مجتمعه وكل يمدحه لكن العيشة الزوجية معاه مو جميلة

    حتى مرة قرأت موضوع اذكري موقف حسيتي فيه أي كثر زوجك يحبك
    زوجي يحبني وأنا أدري لكن ماله مواقف حسستني بغلاتي عنده
    ما أدري كيف أشرح لك
    لكن نصيحة يا حبيبتي إخذي واحد شكله عادي لا تتشرطين بالشكل
    تراه مع العشرة إذا طلعت أخلاقه مو كويسة وبتكرهينه
    حتى لو كان ملك جمال

    طلعت عن الموضوع لكن هذا إلي بقلبي وهاذي تجربتي
    أتمنى العازبات يستفيدون منها
  5. عجبني طرحك

    و

    وجهت نظري

    كل شخص له ميزه تجذب اوتلفت اﻷنتباه

    حتى الشين ماصار فيه شين

    وبالنسبه لاختيار اني ارتحله وارتاح لدينه هذا المهم عندي

    والحمدلله زوجي مالي قلبي وعيني


    وسلامتك

تابعي تجارب أخرى من هذا القسم.