بنات قيموني بس لا تجرحوني

اعجبني موضوعك وفيه ناس كذا يعني احيانا تشوفين وحده متعوده عليها تتكلم ع طبيعتها ولما تشوف بنت حضريه يتغير كلامها وتقول ذي مو البنت الي تعرفيها. واذا قلتي ليه غيرتي كلامك معها قالت صعبه اتكلم عادي البنت بتقول وش هالبدويه واانا وربي مااحب هالحركه 

يعني وجهه نظري متى ماصرتي طبيعيه وقلت كلامك الي تقوليه عند اي وحده راح يتقربون منك الناس اكثر ويحبونك يعني التصنع الابتعاد منه افضل 

ويسلمو ع هالموضوع الي ودي نتكلم فيه

ياحليلتس والله حنا بدو امانه لكن مايمنع نتحضر فالبيوت والخدم والرفاهيه مادام الله مرهي علينا بس مع ذلك ماقدرت اتخلى طبايعي وبداوتي باللهجه والسلوم والعوايد والشيمه !!
اما الاكل مايحيني الاضرب الخمس عموما ولكن لابد من الملعقه فيه اكل ماينوكل بالخمس اما الشوكه والسكين والاتكيت فلاحبه ابد ولاطرالي اتفنن واتحضر واموت جوع ليه الابدق بالخمس !!
لاتظنين مجتمعي الي انا عايشه به بسيط والله اني عايشه بمجتمع راقي واهل نعمه واصحاب مكانه والخ لاني ساكنه بمنطقه ومعارفي هم اصحاب ةزوجي بالدوام ولكن اقسملك بالله انهم بسيطات تدرين ليه لانهم شايفين خير لكن مايهايط ويتصنع ويظاهر الاحديث النعمه الي توه شايف خير !!
وجهه نظري ورايي لاتطمر وحده تقول تحضري والابدويه والاماتعرف الاتكيت ومتخلفه كيغي حره اذبح عمري بالجوع كني بسه والادجاجه انقر نقرتين واقوم ابدا !!

طولت بس عجبني موضوعك لانه بسيط ويلامس واقعنا !!

حتى انا احب اكون على طبيعتي بس اذا عرفت ان فيه تصرفات راح تضايقهم احاول اتجنبها لان في بعضهن مايعجبهن العجب ولا صيام برجب

تكلمتي عن نقطة الاكل وبرأيي بدو ولا حضر الكل صار يعرف الاتيكيت
اتكلم من واقع ومن اللي اشوفه ماني شايفه ابد فرق بينهم
بالنسبه لسؤالك بشكل عام لو جلست مع ناس ما اعرفهم شخصيتي راح تكون هي شخصيتي الطبيعيه
بدون تصنع و برأيي الشخص المتصنع مايدخل القلب عكس الشخص العفوي واللي تصرفاته عفويه بس الاهم انه ماتكون هالتصرفات تلفت الانتباه بشكل يفتقر لذوق العام