طفلي وعجز الاطباء ...

السلام عليكم كيفكم بنات

ولدي عمره سنة متعبني كثير الله يشفيه ..

بأقول لكم من البداية من النفاس وانا الاحظ فيه بروز في فقرة من فقرات ظهره اذا شلته بعد الرضاع وابيه يطلع الهواء كانت واضحة مررررة ..

كل شي كان طبيعي غير هالفقرة البارزة ..

كنت لما اوقفه عادي يوقف يعني يدفع برجوله بالاربعين وماكنت اوقفه كثير اعرف انه مضر بس لما كنت العبه ..

لحد 3 شهور بدت تضعف رجوله شوي شوي لحد الان مايحرك فيهم الا القدم والاصابع يعني مايعرف يثنيها واذا الحين وقفته كأنها خييووط مافيها اي قوووة ..

الرقبة يوم جاله ست شهور ثبتها لحد الاسبوع الي طاف بدت ترتخي وماعاد يعرف يشدها يطالع وعلى طول يطيح راسه مو قادر يثبته ..

مايتقلب ابدا الا ع اليمين او ع اليسار يعني مايقدر يقلب ع بطنه واذا انا قلبته يصير راسه ع الارض مايقدر يرفعه واخليه ابيه يتعود ويشد نفسه وينكتم وارحمه واشيله :( ...

والي بديت الاحظه عنده التنفس بدا يضعف شوي ., العطسة والكحة ما تنسمع والبكاء نفس الشي مايقدر يبكي بصوت عالي بصوووت ضعيف وبس دموع ..

الحين بس على ظهره ويلعب بايدينه يلعب بالعاب ويمسك الرضاعه عادي ..


حالته العقلية سليمة يصفق ويقول باي ويناديني ويعرف ابوه يميز الكل واذا جاع يقول ننه واذا لبست عبايتي او ابوه لبس شماغه يبكي عارف اننا بنطلع يعني عقليا سليم 100 %

رحت كللللللللللللللللل مكان سويت كلللللللللللللللل شي كلهم قالوا سليم

آخر شي استمريت على ابر فيتامين دال عند دكتور خارج السعودية

اخذنا 4 ابر بس ما استفاد منها ابدا والادوية ماسوت شي ..





تحاليل العظام والعضلات سليمة
اشعة هشاشة ولين عظام سليمة
الكالسيوم والصوديوم والفسفور والمغنيسيوم كلها معدلاتها طبيعية
السكر طبيعي
اشعة رنين مغناطيسي ع المخ سليمة
رحت وحدة تعالج وقالت ولدكم سليم
وعطتني علاج قالت عشر ايام اذا ماتحسن هاتيه اكويه وما رحت خايفة من الكوي لاني ابي وحدة ثقة مرررررة
سمعتوا بأحد نفس حالته وتحسن او تعرفون احد يعالج حالته انصحوني مررررررررة تعبت ..


..


طمنوني الله يطمن بالكم :(

30 تعليق 10,032 مشاهدة

شاركي في النقاش

سجلي الدخول لإضافة تعليق.

التعليقات

29
  1. @gogo_84

    الله يشفيه ويعافيه لك بنت عمي كان فيها بروز بظهرها وماعرف المشكلة الا الدكتور واصف في مستشفى الحبيب بالرياض دكتور جددا شاطر بمشاكل العظام والعمود الفقري أنصحك تروحينه لو استشاره ويارب يطمن قلبك حبيبتي
  2. @kan_zman322

    الله يشفيه
    تاكدي من العمود الفقري اعملي اشعه رنين لظهره
    يمكن مشكلته في العضلات
    حطي كسره حلتيته في علبه صغيره زيت زيتون من الليل واليوم الثاني ادهني جسمه كامل لمده سبعه ايام
    وان شا الله يتعافى

تابعي تجارب أخرى من هذا القسم.