اكتب لكم وانا ابكي كرهت نفسي من وضع طفلي الله يشفيه

الله يعطيكم العافية ويوفقكم يالغاليات قاعدة اقرا ردودكم اول باول لكن النفسية ماش لاتلوموني يابنات وربي تعباااانة حدي ومنفسة استغفر الله وداخلة في نوبة اكتئاب ومشاكل زاد تطريشه بشكل مو طبيعي ومابقى مكان بالبيت ماطرش فيه من الفجر للحين مطرش 3 مرات الحين اكتب لكم وملابسي ماغيرتها مطرش علي ولامسحت السجاد ولا الارضية والبيت منعفس والساعة 9 ونص الصبح مصدعه حدي واحنا مواصلين من امس المغرب مانام الا مرتين ربع ساعه ونص ساعه وصحى وللحين يصيح لمن الجوع واذا رضعته وترعته 10 دقايق وقام بعدها يصيح ويتقلب لين يطرشها وبعدها بكم ساعه يصيح من الجوع وانا بس اسوي رضاعات حق الارضية والمناشف والملابس استغفر الله بس تمر مرور بمعدته ويرجعها عالارض واشتغلي تغيير ومسح وتنظيف يااااااااااااارب انت اعلم بحالتنا ياااااااارب مو حاس في قلبي الا الصلوات اللي قاعدة تضيع علينا من السهر والتعب يارب تصلح حالنا وتشفيه يالله
تفاحات انا في الشرقية واجي للرياض اوقات
البنات اللي ارسلوا لي خاص الله يجزاكم خير ويوفقكم كلكم رديت عليكم وارسلتها واكتشفت امس ان الرسايل ماتوصلكم لاني ماكملت 50 مشاركة
زخات وام اسامه اللهم آمين الله يجزاكم خير

ام كوكو هو يشخر اذا نام وفي صوت من صدره قوي مثل الازيز واذا قلت للدكاترة يقولون ماعليه
ودي اجيب شغالة لكن الاوضاع المادية الله يزينها ثاني شي ساكنة بشقة صغيرة غرفتين ومجلس ولا ادري وين احطها لكن افكر اول ماتيسر مغانا بجيبها لأني خلاص انتهيت من الديسك والالم والتعب
صادقة يغتلق بسرعه الله يشفيه ويعصب ويصيح من اتفه شي الله يهديه ويخليه يارب

jam781 قاعدة ادور دكتور شاطر هالايام بوديه له الوضع خلاص ماعاد يحتمل واصلا هو تعذب مسكين التطريش يهد حيل الكبير لو يطرش مرة وحدة وذا شوفي مسكين عشر شهور يوميا 3 - 4 مرات يطرش واحيانا اكثر الله يشفيه بقدرته ورحمته ويرفع عنه ويطول عمره يارب

ام ام ام لو احط له اكثر من فراش يلف ويتقلب ويوصل لين الارض ويطيح ويصيح واذا حطيته من عند الجدار يصحى ويقعد يصيح ويتنبه بزيادة لو حده شي مثل مخدة او حافة سرير الله يعين قمت البسه واخليه بدون غطا المشتكى لله

دلوعة حبيبها والله ادعي دايما الله يشفيه ويخليه لي ماعندي غيره وماحملت فيه وجبته بالساهل قبله تسقيطات ومتاعب الحمدلله على كل حال وحملي فيه بمثبتات لين ولدته بقيصري اللهم لك الحمد كما ينبغي لجلال وجهك وعظيم سلطانك

اثار منسية الله يجزاك خير كلامك يريح القلب بحاول اداوم على زيت الزيتون المقري الله يكتب له شفاءا عاجلا لايغادر سقما

ام سينا الله يجزاك خير ويخلي لك ولدك ويشفيه المشكلة اني اخاف عليه يتالم من كثر الفحوصات والتحاليل والدكاترة يقولون لي انتظري انتظري بس يكبر تقوى عضلة المعدة ويوقف ان شاء الله
لو نفع معاك علاج تكفين قولي لي انا في الشرقية واجي الرياض احيانا الله يكتب اجرك

حياتي ارقيه يمكن محتاج رقيه افتحي سورة البقرة دااااائما مكن الي معه تعب روحي وماثر على جسمه مو تعب جسدي


ويمكن تكون عين وصايته لان مثل ماقلتي حملك مااجه بالساهل


وربي كثير متعاطفه ومهتمه بقضيتك كصير حاسه فيكي


وبالنسبه للغطا شئ عاااادي انا ابني وبنتي من يوم ولدو ولليوم ماينامو مع غطا مستحيل بحيث البسهم بزيادة وحتى جوارب برجولهم

وادفي جو الغرفه لان مستحيل يقعدون دقيقه مع الغطا


الله يقر عينك بشوفته سليم معافى

سلام يا قمر
انا مريت بنفس وضعك ولله الحمد تؤام وربيتهم لحالي ولا حد معي غير رب العالمين كنت اسهر من يومين ما انام ابد ...عليك بكثرة الاستغفار.... اسال الله انة يوفقك ويشفيك ويعافي لك ابنك يارب

يااااااااااأربي تعبت ياربي تعبت ياربي تعبت ياربي لا تعاقبني في هالولد ياربي مواصلين من امس للحين يغمض ربع ساعه ويقعد يستفرغ بارب  امتلت ملابسنا في هذه الساعه وفي هذا البرد ياربي انت شايف حالنا في هاللحظه يارب ترفع عنا يارب ياربي تغشى قلبي بالسكينة ونفسي بالصبر يالله يالله يالله اغفر لي ان تسخطت قد بلغ بي الألم والتعب والسهر مبلغ وانا بشر ضعيف يارب استغفرك واتوب اليك 

لازم تروحين لاستشاري اطفال متخصص يسوي له فحوصات كيف متحمل هالعذاب هذا
ونصيحتي لك روحي وسوي له تحاليل شامله وفحوصااات كامله على كل شي اكيد فيه سبب للتعب هذا
بس اختاري الدكتور الممتاز

وبالنسبه لضرب الراس بالسرير يمكن عنده شحنات كهربائيه براااسه ضروروي تسوين تخطيط واشعه على راسه

وادعي ربي انه يشفيه ولاتهملين الرقيه

الله يشفيه ويخليه لك