شاركي في النقاش

سجلي الدخول لإضافة تعليق.

التعليقات

38
  1. @am_alaayaaaal_1

    وليه انتي راضية بكذا ؟ ليش ما عندك ردة فعل ؟ قولي اسفة اخذتني من بيت اهلي زوجة مب خادمة ..

    يا حبيبتي ترا الضعيف ينداس عليه .. لا تخافين الا من ربك اللي خلقك .. قوي شخصيتك وارفضي وش بيكون يعني ؟

    بيقتلك ؟ بيطلقك ؟ قدامك الحياة بطولها وعرضها اذا الله احياك ولابد تعدلين وضعك .. فاما حياة تسر الصديق واما ممات يغيظ العدا
  2. عفوا أختي لوين تبغين توصلين نفسية بنتج ؟؟؟!!!!
    لازم تنتبهين لها قبل ما تدخل المدرسو و تتبول على عمرها هناك و تتعرض للسخرية ،،،
    أول ما تشوفين عمتج تضربها اركضي و خذيها من بين ايديها و اوقفي جدامها و قوليلها عمتي إذا تبغين تضربين حد اضربيني أنا ،، أنا كبيرة بس هاي طفلة صغيرة حرام تضربينها ،،، و اسكتي بعدها و خليها تسوي اللي تبغي تسويه ،، و ردي عليها بهدوووووء ،،،
    زيدي من حضنها و حبها و حنانها و خلي بنتج تحس به و تحس إنه فيه حد يدافع عنها عشان تتحسن نفسيتها و ربي يعينج ،،،
    يوم طبختي و زوجج طول لسانه جان قلتي له ... ما عليه هاي آخر عزيمة أطبخ فيها دام طبخي مب لهناك ،،، جان استغليتي الموقف لصالحج ،،،
    كوني ذكية فتصرفاتج ويا عمتج عشان ما تستغل شي ضدج و ربي يعينج بس عمرج لا تسمحين لحد يضر بنتج و نفسيتها لأنج بتتحملين النتايج و بنتج بتعاني في المستقبل من هالشي و بتندمين ،،، و الله يكتبلج كل خير و يحفظلج بنتج ،،،
  3. شوفي لو وصل الموضوع عليك تخدمين وتكرفين اقول براحتك انتي اللي تتخذي القرار
    ﻻكن يوصل انو احد من عيالي ينهان ويتضرب
    وتتعب النفسيه..ﻻ..ﻻ..ﻻ..والف ﻻﻻ
    والله ﻻشوته هو وامه إﻻ عيالي إﻻ..عيالي
    ﻻحد يقربهم..والله ﻻتركله البيت واروح عند اهلي
    واخذ عيالي ..بﻻة عليك هاذي عيشه
    حياه القهر ...امه اتفلي بوجها وقوليلها معاد اسمح لك تضرين عيالي ....
  4. @hla_30

    قوليله دام مو عاجبك طبخي لاعاد تطلب مني اطبخ
    وانا ماني مجبوره اخدمكم واطبخ لكم ..
    وخلي بنتك تعلم ابوها ان جدتها تضرب اول ماتضربها ع طول قوليلها تعلم ابوها بنفس الوقت

    واذا مانفع هذا كله علمي اهلك وخليهم يتفاهمون معه
    ان اهله مالهم دخل فيك .. ومالهم اوامر ولاعاد يمدون يدهم عالبنت
    حتى لو اضطريتي تتركينه شهر زعل بيت اهلك
    اهم شي يتعدل وينضبط
    الرجال مايحب الضعيفه .. ياكل حقها ويدوسها .. اكثر ويحتقرها
    ومهما تسوين مايبين بعينه ويضل يسمع كلام اهله
    عشان كذا صيري قويه وخذي حقك من الحين
  5. مدام شوره بإيد أهله

    لازم تدخلين أهلك

    يحط لك سكن مستقل ويعزك

    وأهله مالهم دخل بحياتك الخاصه أبد

    اعوذ بالله من أم زوجك تحط عقلها بعقل طفله

    اخذي موقف قبل ماتسوء حالة بنتك النفسيه

    سكوتك على الظلم ماراح ينفعك راح تدمر نفسية بنتك بسببها

    الله يكون بعونك يارب

تابعي تجارب أخرى من هذا القسم.