السلام عليكم ورحمة الله كيفكم حوائيات ؟
عندي أخوي الله يشفيه مصاب بالعرق السابع اللي يسمونه ابو وجه والله يا بنات متأزم نفسيا ويتعالج بجلسات كهربا والحين إبر صينيه ويقول التحسن بطيئ يبغى يروح عند معالج شعبي معروف يعالج العرق السابع في منطقة رفحاء وهو عضيد بن بطين الشمري ،، مين تعالج عنده أو تعرف احد تعالج عنده واعطوني تجاربكم اللي مرو فنفس المرض وابغى رقم هذا المعالج الله يسعدكم أخوي له شهر واكثر
شاركي في النقاش
سجلي الدخول لإضافة تعليق.
التعليقات
7- مرحبا
ان بنصحك نصيحة من مجربة لا تروحو لطب الشعبي ابد ابد ابد ...
انا بنتكلم من واقع تجربه
طبعا انا الحمدالله ربي شفاني من العصب السابع قبل شهرين .. جاني انا واختي في نفس الشهر وعلى طول رحنا المستشفى واعطونا حبوب كرتوزون وادوية ثانيه ضروري اخوك يستخدمها لانها ترخي العصب ومع الادويه جلسات لمدة شهرين يوم بعد يوم والحمدالله كنا مستمرين على العلاج والجلسات واللى يشوفنا مايصدق ان جانا شي لانه راح وماترك اثر ...الحمدالله .. بس تعبنا نفسيا في البداية بس لما بدانا نتحسن ارتحنا وهو اذا استمر على العلاج ماراح يطول معه ....من شهر ونص لشهرين راح يشوف انو مع الجلسات خف كثير لين يروح تماما .... طبعا ها الكلام صار قبل شهرين طيب
اما قبل 6 سنوات جاء العصب السابع لاخوي وراح لطب شعبي وكان دايم يجلس في الظلام لمدة ويحط زيوت واعشاب ومدري ايش من الخرافات اللى سويناها له وراح المستشفى لمدة اسبوعين وقطع العلاج ورجع لطب الشعبي وطوول معه المرض جلس 6 شهور واخر شي راح انكوى مكان العصب الحمدالله رجع وجهة طبيعي بس عينه للان تدمع وتحسينها طايحة ودايم تنشف ويعاني معاناة مع عينه
ولما سالنا الدكتور صرخ علينا وقال ليش سويتو كل هذا وليش انكوى من اول بلجلسات يترخي العصب ويرجع طبيعى اما اللحين بعد الكوي مانقدر نسوي شي لان العصب نشف وصار يابس من الكوي وماعاد استجاب للجلسات ...
هذا تجربتنا مع المرض واتمني تكوني استفدتي من تجربتنا بس نصحية خلي اخوك يرجع مستشفى ويستمر على العلاج ويصبر لانه يبغى له وقت ... الله يشفيه ويشفى جميع مرضى المسلمين ... اموررة مرحبا ان بنصحك نصيحة من مجربة لا تروحو لطب الشعبي ابد ابد ابد ... انا بنتكلم من واقع تجربه طبعا انا الحمدالله ربي شفاني من العصب السابع قبل شهرين .. جاني انا واختي في نفس الشهر وعلى طول رحنا المستشفى واعطونا حبوب كرتوزون وادوية ثانيه ضر…
فيه عجوز بالرياض تكوي عن العصب السابع ,
كوت بنت خالتي رجع وجهها طبيعي وعيونها عادي بس خشمها فيه ميوله خفيفه
بس لازم يغمي عينه يحط عليها شاش او شي عشان ماتنشف مويتها
وبعد لازم يحجب نفسه عن بعض الاكلات وكذا
وسلامتكم- شكرًا اموووره ولولي أحلى ع الرد أنا كمان قلت كذا ما ودي يروح لمعالج شعبي
- الله يشفييه يارب
اسألوا عنه زيين قبل لايجرب - الله يشفيه
هو يأخذ وقت ويروح بإذن الله
ونصيحه ليعجل من الشفا
يستمر في أكل العلكة عن تجربه ليضل عضلات الوجه متحركة
مواضيع مشابهة
تابعي تجارب أخرى من هذا القسم.