صبوحة
الله يبارك لك في ميمتك ويحفظها ويطول بعمرها ويسهلها
والله شوفي حبيبتي
الشغالات كلهم حظوظ من الله وتوفيق بغظ النظر عن الجنسية
مو كل إندونيسية وفلبينية زينة ومو كل أفريقية شينة
أنا بالنسبة لي جربت الإندونيسية وجربت الكينية
الإندونيسية وربي فتانة تفتن بين العوائل حسبي الله عليها وكذابة ولئيمة وفوق هذا مو نظيفة مرة كل شي عندهم بالغشش إذا انت قدامها اشتغلت زين واذا نمت أو خرجت تحطلك زيد على عبيد
ماقدرت أصبر عليها شهر وتنازلت عنها
وبعدين استخرت الله على الكينية
ودعيت إنه ربي يوفقلي الصالحة الأمينة
واشترطت تكون لم يسبق لها العمل حتى تكون عجينتي أشكلها وأعلمها النظافة والعادات الطيبة
وفعلا جاتني وياربي لك الحمد والشكر عطاني ربي مثل ما دعيت ماشاء الله تبارك الله
صحيح الجديدة تتعبين معها أول ثلاث شهور بالتعليم
بس بعدين تريحك جدا
والحين الحمدلله ماحدن قايم بي وببنتي بعد الله إلا هي ماشاء الله تبارك الله
طبعا الكينيات فيهم مزايا وفيهم عيوب
مزاياهم ماتطالع الرجال نهائيا ولا تفكر حتى بالأمور الجنسية والخيانة مثل الأندونيسيات والفلبينيات
جدية بالعمل أول ماتجين تعطينها دفتر وتخلينها تكتب طريقة ترتيبك لشغل البيت وتنظيمك للعمل وأوقات نومها وصحوتها وطريقة غسيلك للحمامات والمطبخ وتنظيم الغرف وترتيبها وتنظيفها ونفظ المفارش والكنبات والستائر وطريقة غسيل الملابس وفرز الألوان ومقادير مساحيق التنظيف
حتى مقادير المنظفات عند غسيل الحمامات والمطبخ اكتبيها لها
وتمشي عليها مثل الألف لا تلف ولا تدور
لغتهم الإنجليزية جدا جدا ممتازة وتعليمهم راقي خاصة اذا اشترطت متعلمة
بس عندهم عيب واحد
يعني إذا ماسايستيها وعلمتيها على البشاشة مع الأطفال تكون جافة شوي معاهم
يعني ماتحبهم ولا تكرهم ولاتحاول تتعلم كيف تساعدك فيهم
إذا إنت ماعلمتيها هالشي لا تتوقعين هي بتسألك
أنا طبعا حاولت أعلمها بالكلمة الحسنة وبالضحكة والوجه البشوش كيف تتعامل معاهم
وطبعا شوي شوي بدأت تتعلم
والحين ماشاء الله زينة مع بنتي يارب لك الحمد
أنا طبعا استقدمت شغالتي ب١٢ ألف لأن هالكلام كان في وقت صعب استقدامهم فكان المبلغ
شوي غالي
وطبعا في عقدها كان مكتوب راتبها ٩٠٠ ريال
واشترطت لم يسبق لها العمل واشترطت تكون من مدينة مومباسا مو من العاصمة
وربي يختار لك اللي فيه الخير
وأعيد وأكرر هم حظوظ واللي تجيها وحدة كينية مو زينة ماتقعد تدعي علي الله يخليكم
كل الجنسيات حظوظ وفيهم الزينة وفيهم الطالحة توفيق من الله
في ناس استقدموا كينيات مبسوطين معاهم وفي ناس اللي تعودت ع الإندونيسيات والفلبينيات ما انبسطوا معاهم نهائيا
وربي يوفقك
₪ التجمع الثاني لمواليد يـ7ـوليو & أغسـ8ـطس ₪ ..
متابعة النقاش، صفحة 245