السلام عليكم ...
بنات بقولكم موضوعي واتمنى تفيدوني..
انا اخوي متزوج اخت زوجي وبين اخوي واهل زوجي مشاكل واخوي
مانع عياله مايدخلون بيت اهل زوجي ولهم تقريبا سنتين على هالوضع...
والحمدلله عمر زوجي ماحملني نتيجة مشاكل اخوي وزوجته واهله بس تفاجأت اليوم وانصدمت منه واحنا نتناقش ف الموضوع انه يقولي خلاص انا بمسك اخوك من اليد الي توجعه عن طريقك انتي..اذا رحتي ﻻهلك مبغاك تسلمين عليه وﻻيروحون عيالي لبيت اخوك وﻻيعطيهم هدايا وﻻشي ..انا انصدمت وشدخلني في اخوي وزوجته حياتهم ومشاكلهم تخصهم لحالهم وماعمر زوجي قارن بينا ..انا كنت هاديه ف النقاش معه وقلت له طيب انا وشدخلني بتصرفات اخوي ومعنى كلامك ان اخوي لو تزوج على اختك انت بتقول وحده بوحده وتتزوج علي قالي ﻻ طبعا مستحيل قلت ليه انت الحين في هالموضوع تحاسبني بتصرفات غيري وتقول ابغى اسوي مثل مايسوي مع اختي...المهم انه قام من عندي وراح للغرفه وانا جالسه ف الصاله شوي ويجيني يقولي مابتنامين قلت ﻻمافيني نوم قال على راحتك وراح ونام..انا الحمدلله اعرف شخصية زوجي وكيف اتعامل معاه بس المره هذي حابه تشاركوني وتقولون لي وش اسوي..يعني اذا رجع اليوم من دوامه شلون اقابله هل ازعل واﻻ اخلي الموضوع يعدي واﻻ افتحه معاه من جديد..مدري ياليت تشاركوني.....
وﻻتقولون ليش اخوك يسوي كذا..هم بينهم مشاكل كثير وهو توصل للتصرف هذا نتيجة المشاكل والحساسيات ونصحناه يتراجع عن تصرفه ورافض..
شاركي في النقاش
سجلي الدخول لإضافة تعليق.
التعليقات
25- انصحي اخوك وقوليله حياتي بتنخرب من تصرفاتك وذكريه لا يدخل الجنة قاطع رحم
وهو قطع عياله وزوجته عن بيت اهلها وهالشي حسابه عسير عند رب العالمين قوليله خلهم يزورونهم لو مره كل شهر او شهرين
وكمان لا تلحين عليه لانك ماتدرين وش نوعية المشاكل الي بينه وبينهم يمكن لا قدر الله اهل زوجك يوصلون اخوك للحد الي يخليه يكره بنتهم ويطلقها وممكن يحرمها من عيالها لانه حرمهم من اهلها!
يعني انصحيه بالطيب اذا ماتقبل لا تناقشين زوجك ترى هذي اخته وتلقين قلبه محروق عليها وانتي تخافين يعاملك زي ما اخوك يعاملها وانا انصحك عشان ماتكونين انانية حبي لغيرك ماتحبين لنفسك حاولي بكل الطرق تتحركين وتصلحين بينه وبين اهل زوجك قبل يفوت الاوان وتلقين نفسك بنفس المركب الي زوجة اخوك راكبه فيه
ولا تكثرين مع زوجك كلام عن اخوك وزوجته وتجنبي المواضيع الي تخصهم حتى لو كانت سطحية لين تقدرين تصلحين بينهم - اوﻻ اسعدني مروركم ومشاركتكم
ثانييا انا بقولك اختي..انا ماحب اتدخل في مشاكل اخوي مع زوجته واهلها
عشان ماتصير حساسيه بيني وبين اهل زوجي ومن ناحيه ثانيه مثل ماقلتي مبغى في يوم من اﻻيام انحط بنفس وضعها....وﻻاحب افتح مواضيع مع زوجي عن اخته بس هو فتح الموضوع وقلت لك رديت عليه بكل هدوء ﻻني عارفه انه منقهر على اخته....بس انا انصدمت من زوجي ليش يربط ويقارن حياتي بحياة اخته.. - نصيحة يااختي لوجة الكريم سبحانة اوعك تعندي او تكبري الامور واضح ا زوجك حنون وواعي هو يقول كذا من قهرة ع اختة لاتلومية وطبيعة هالعلاقات متعبة انتي واضح انك عاقلة وواعية زوجك تعالي له بالحنية والحنحنة والكلام المعسول بهالموضوع تحديدا ابعدي عن العناد واللت والعجن وأسآل الله سبحانة يحنن القلوب ويغسل مافيها من كدر وبغض وترجع العلاقه ك عائلة اقوى
- لا لا تزعلي ولا تكدري خاطرك
هو يمكن يبغى يشوف ردة فعلك وباي صف توقفين وكونك محايده احسن
حل لك
وزوجك متفهم ماشاء الله وباذن الله يتراجع
وامكن زوجك يقول كدا عشان تتدخلي وتخبري اخوك وبكدا يضغط عليه من ناحيتك
والله يوفقكم يارب - والله ياقلبي الظاهر زوجك ماراح يسوي شئ بس من حرته قال هالكلام انا انصحك استقبليه عادي ولا كأن شئ صار
مواضيع مشابهة
تابعي تجارب أخرى من هذا القسم.