أمي وفكرة الزواج

السلام عليكم ،،،،بنات هاذي اول مشاركه لي بهالمنتدى دائم ادخل وأقرى وأستفيد منكم حيل بس صارت لي سالفه ومو عارفه مين أستشير خصوصاانو انالبنت الكبيرة ولا عندي خوات كبار وقلت مالي الا الله ثم أنتم ،،،انا قبل سنه ونص تقريبا انخطبت لواحد من جماعة أبوي طبعا كلام حريم يعني اخته الكبيرة كلمت أمي وكذا بس أمي طبعا قالت لا بنتي لسى تدرس وبدري عليها كنت اول سنه ف الجامعه المهم اهل الولد خطبو له وحده من مو من جماعتنا ولا نفس القبيلة ووافقوا اهل البنت وسوو أحلى ملكه وبعدها بفترة كم شهر يعني ما ادري ايش صار والولد طلق خطيبته بس اللي اعرفه البنت طلبت الطلاق وطبعا هو دفع المهر وخلاص ما بقى شي ع الزواج وقبل أسبوعين تقريبا أبوي كلمني وقالي مثل ما انتي عارفه انو هالرجال طلق وماصار بينهم نصيب لكن أبوه كلمني وقال نبي بنتك الكبيرة لولدنا أبوي قال انا والله ما عندي مانع لكن الرأي الاول والأخير للبنت أبوي كلمني وجالس يقنعني بخصوص الدراسه انو الزواج اهم منها وزي كذا قالي اذا تبغين تكملين دراسه بعد الزواج عادي الولد ما عنده مشكله ولا ترفضين عشان الدراسه ومدح لي الولد صراحه وقال لو مايبونك ماكان كلمونا مرتين والولد دين وأخلاق وما عليهم ربي معطيهم خير قال أبوي انتي فكري واستخيري ولا تقولين لامك ولاشي وإذا وافقتي ردي لي وانا اقنع أمك،،،المشكلة ايش انو أمي رافضه عشان الدراسه تقول دراستك اهم وانا صراحه اقتنعت من كلام أبوي والدراسة ماعليه يمديني عليها بس مدري ايش أسوي ودي أكلم أمي بس مو عارفه كيف أبدا ولا عارفه كيف أقنعها وطبعا احس انو مستحيل أقرر وأقول لأبوي موافقه وانا ماشاورت أمي لأنو أمي أساسا بالمره الاولى يوم كلمونا قالت لا لسى اهم شي دراستها وبنفس الوقت أخاف لو قلت لأبوي أني موافقه وراح يناقش أمي أخاف أمي ترفض ولا يأخذ برأيها ويقول اهم شي بنتي موافقه ،،،،،بنات بالله لو أنتو مكاني ايش بتسوون وربي محتاره مابين أمي وأبوي ؟؟؟