كل وحدة تذكر الدول اللي سافرتها .. وايش احسن دولة عندك مع ذكر السبب؟؟

يجننن وصفك للرحله وربطك بالمدن والدول مشكورة ياعسل

تسلمين ع الموضوع
انا رحت لصلاله وجوها خيال ويجنن بس ينقصها كثير خدمات
رحت دبي ومعظم المناطق بالامارات مثل الفجيره و الشارقه وحلوين
رحت السعوديه (مكه والمدينه) بس ندمت اني رحت لها بر وان شاء الله المرات الجايه نروح جو لانه في بعض الاماكن سيئه جدا وحتى المساجد للاسف في بعض الاماكن ما كانت بالمستوى المتوقع
بالنسبه لخارج الخليج رحت انجلترا ( لندن , سويندون,برمنجهام , بليموث وكثير مناطق ما اذكرهم واحلى شي عجبني البلاك بول ^_^ )
رحت سكوتلاند وبصراحه ريفهم شي خيال جلسنا اسبوعين وما ملينا منها كله خضره وشلالات وجو يجنن ,,
وبس

لندن وبسسسسسس 

رحت مصر ام الدنيا كم مره وناااسه
ورحت شرم الشيخ كم مره ونااااس
رحت دبي حسيت كنها الرياض
رحت البحرين مافيها شي
رحت اسبانيا حلوه
رحت ماليزيا طبيعه خيااااال
رحت هولندا كانت اجواء امطاروثلوج خياااال
رحت امريكا مرتين كذا ولايه واشنطن نيويورك شيكاغو ملواكي شارلوت ميامي  
قولو ماشاء الله ونفسي اروح تركياوباريس ان شاء اللع تتحقق قريبا

انا مشكلتي مع السفر مشكله
مو كل دولة تناسبني لأني اروح بعباتي ونقابي ولا احب التفتح الزايد والشواطيء والاماكن اللي فيها عري زايد
وبنفس الوقت ما احب اروح الدول العربية
طبعاً الدول الخليجية وضعها مختلف
دبي كل سنه اروح لها لاني احبها كذا من الله بدون اسباب
البحرين احب زيارتها بشكل دوري للسينما والتمشي وتغير جو سريع وقريبه
قطر نفس البحرين حلو تمشية خميس وجمعه وتغيير جو
ماليزيا رحتها مرتين الاولى استمتعت فيها جداً والثانية لا احسها تغيرت للاسوء
تركيا روعه جميلة ساحرة حبيتها وحبيت اهلها وحبيت كل شبر فيها
مريت بمواقف كثير اثبتت لي ان شعبها مظلوم بالكلام اللي ينقال عنه بالعكس ماشفنا الا كل احترام وتعاون
والله مرره كنا بتل العرايس وما حصلنا تكسي وجو عائلة تركية ووصلونا لحد ما نبي وفوقها كتب لنا ابوهم كل الاماكن السياحيه اللي المفروض نروحها لانه كان يجيد العربي
اذكر بالشمال التركي زوجي جلس يسولف مع صاحب المطعم واننا نفكر نطبخ بالسلطان مراد بس صعب
قام الرجال وفر لنا قدر واداوات طبخ وبهارات وملح وكل اللي نحتاجه بدون مقابل بس اخذنا الاكل وطبخنا وشوينا وكانت رحله رائعه
تعرف زوجي على كثير من الاصدقاء هناك وكانو جداً لطيفين خصوصاً مع اولادي
وبإذن الله لي زيارة ثانية لها عن قريب
الدول اللي اتمنى ازوها
اوربا وتحديداً النمسا والمانيا وسويسرا
في السابق كنت اتمنى ازور فرنسا بس موضوع النقاب خلاني استبعدها للاسف مع اني نفسي ازور دزني
حالياً افكر كثير بهونك كونج وداخله مزاجي بس مازال النقابخو موضوع البحث الاساسي ومدى تقبلهم له