صلاح الدين مطلوب
وصلاح الدنيا مطلوب
كلاهما يكمل الاخر
لكن قياسا على وضعنا هل عملنا بالاثنين؟!
ان احببت امشي على نظريتكم اننا طائعين عابدين ويكفي بس معاد نحتاج شيءو نعيش حياة الزهد والرهبان
يعني بالفعل ينقصنا صلاح الدنيا الي ديننا نفسه امرنا اننا نصلحها
وعلى نفس وجهه نظركم اجل الغرب مو ناقصهم الا فقط الدين الاسلامي ويصيرو احسن ناس في الدنيا والاخرة
الي تقول الكلام متناقض في مثال الولدين
هل الانسان المتفوق والذكي شرط يكون متدين؟!
وهل كل متدين شرط يكون متفوق؟!
ارجع اذكركم اللي بيننا وبينهم امور مالها دخل بعقيدتنا ولا عقيدتهم
الي مختلف بيننا
انهم اخذو المنهج الخاص بالمسلم وكيف يعامل فيه الناس ويعمل ويحي ويعيش
وعاشو عليه وارتقو وسبقونا
واحنا المفروض يكون هذا منهج حياتنا مع استحضار نيه الاجر من الله
بس للاسف ضاع الخوف من الله ومعد صار عندنا اهتمام صحيح نصلي نصوم ونؤدي كل العبادات الي بيننا وبين الله
بس اللي بيننا وبين الناس وبين الحياة مقصرين جدا
عشان لا اكثر فلسفة باعطيكم ابسط واتفهه امثله حيه من واقع حياتي شخصيا
وتقدرو بنفسكم تسألو اي احد عايش في الغرب
- من عيالنا ولا من كل فئات المجتمع متعودين على كلمة شكرا مع الجميع؟!
الام مع عيالها والعكس المعلم مع طلابه والعكس المدير مع موظفينه والعكس الغني مع الفقير الكبير معرالصغير؟!
- متعودين على كلمة اسف / اسفه على اقل تصرف ( ماهو مضاربات وخلافات ومنازعات ) لا في حياتنااليومية اذا احد اتعدى عليك في المشي وتقدمك مو بالسيارة وانت ماشية برجلك ! لو احد قرب يخبط فيك وماخبط اصلا بس كاد ولا اوشك ! اذا رحتي محل ومالقيتي طلبك ! ولا اذا احد بلغك خبر مزعج يخصك اذا الدكتورة او الدكتور بيكشف على اي جزء من جسمك !
- ضاع منك شيء في مكان عام شارع سوق حديقة وترجعي تلاقيه محله ولا تلاقي الشخص الي لقاه منتظرك!
- تمشي في الشارع وتقطعي سكة بدوووون اشارة مرور وانتي مغمضة عيىنك وعارفة انه لك احقيه المرور واي سيارة حتوقف غصب عنها طالما انه السكة مخططة بابيض يعني الاولوية للمشاة !
- وانتم بالسيارة رايحين مول مثلا ولقيتو موقف وعلى ما تلف السيارة وتاخد شكلها الصح ممكن مرات الدخلة ضيقة والسايق يحوس دقايق هل تركوك الباقين وماصجو اذانك بواري وسب وشتم
- وانت راجعه من مول بعيالك كلهم ومعكم عربية مطفحةاغراض وسيارتك مقفلة على غيرك وانتم تنزلو الاغراض
يتركوكم الباقين تكملو لحد تخلصو وتركبو عيالكم بدون محد يرمي عليكم تكشيرة ولا مسبه ولا يعجل عليكم
- كنتي في المصعد طالعه دور ٧ مثلا ووقف المصعد في دور ٥ قبل وانفتح الباب وشخص يبغا ينزل تحت ذوقا هل يسالك انت طالعه او نازلة ؟ و اذا نازلة يدخل اذا طالعه يتركك تكملي وبعدين هو يطلب المصعد!
- تطلبي موعد دكتور اوتطلبي اكل من مطعم او تطلبي عامل صيانه او تطلبي تاكسي ويجيك بالدقيقة والثانيه !
- تروحي جامعه ولا مدرسة وتطلبي مقابله رئيسة القسم ولا العميدة ولا المديرة ياشرولك فقط باصباعهم انه هذاك مكتبها دقي الباب وادخلي !
- تروحي حديقة عامة او خاصة او مجرد ممشى كورنيش او شارع عادي يعتبر ممر ممشاه وتلاقي بين كل متر ومتر برادات موية مخصصة لشرب الناس وتحت البرادة حنفية صغيرة مخصصة لشرب الحيوانات والطيور
- في دراستك المدرسة او الجامعه قانون عام يتيح لك مراجعه ورقة امتحانك بعد التصحيح ان ماعجبتك درجتك
تقدمي طلب اعادة تصحيح ان كنتي مصرة انك تستاهلي اكتر يعيدو تصحيحها من شخص انت تثقي فيه او توصي فيه مثلا الدكتور فلان او البروفيسور فلان ولا معلمة المادة فلانه وماتطلعي الا وانت اما انتصرتي واخذتي الدرجة الي تبيها ولا اقتنعتي انها هذه هي الدرجة المستحقة للعلم مافي استسلام منهم انت الي حتستسلمي لو توصلي الموضوع للقضاء اهم شي ماتحسي انك انظلمتي وهذا اقل من حقك !
- تروحي اي محل سوبر ماركت او محل عادي او استقبال مستشفى او فندق او اي مكتب
ويبادرك او تبادر الموظفة بالسلام والتحيه ولااازم تسال عن حالك يعني تقولك اهلا وسهلا كيف حالك اليوم وهي مبتسمه! وللعلم اذا كشرت ولا كشر احد فيك وهذه شغلته تقدري تفصليه بشكوى منك عادي !
اتوقع كدا كفاية عليكم وهذه ابسط ابسط التعاملات اليومية وماخفي اعظم
مراحل حياة الفتاة غي الغرب يامن تفخرون بهم
متابعة النقاش، صفحة 26