ولدها مره 14 سنة ويبي بﻻك بيري وهى رافضة

الأفضل أن ماتحرمه من شيء البلاك مثل أي تقنية على حساب استخدام الشخص لها أن خير فهو خير وان شر فهو شر 
الام عليها التوجيه والإرشاد والمراقبه من غير مايحس 
يكون معه وهو بسن تتحكم فيه وتقدر توجهه أفضل من يكبر ويكون شغوف على هشي ء 
والله أعلم بعدها كيف يستخدمه 

أفضل له تشتري له وتنصحه كيف يستخدمه 
مثلا يعمله خدمة اسلامية وثقافية أو أي هواية يحبها زي الكورة وغيرها 
وحتى لو يكون مشترك بينهم هي وهو يرسل منهم أشياء مفيدة 

نصيحة لا تتشدديي كثير مع ولدك ولا ترخي كثير امسكيي العصا من النص 

والبلاك بيري بالوقت هذا الكل يستخدمه وحتى أصغر من ولدك 
وبالعكس أحيان يستفيد منه معلومات ويكون في قصص فيها عظة وعبرة وتذكير بالله 



وانا مستغربة من الردود اللى ترفض البلاك 
يعني معقولة إخوانكم واولادكم ماعندهم
شكلكم من كوكب ثاني 


انا عني ماراح أحرم أولادي من شي مع التوجية والإرشاد والمراقبة طبعا 
رفضك يهز ثقته بنفسه بالعكس حسسيه 
ان واثقه فيه وعززي ثقته بنفسه 
قولي في يستخدموه بطريقة خطأ ماترضي الله بس انا ولدي واثقه فيه 
ربي يصلحه لك 

غريبه ماطلب من زمان الحين الكل معه بزران وشيبان ههههههه 

كل اللي قالوا لا تعطيه عيالهم واخوانهم الصغار عندهم ايبادات وبلاك بيري

تشتري لة وتعلمة  العلم نور