اخوي يقول منتي ميته اذا جلست في البيت
مساء الخير انا متخرجه وجالسه في البيت اكثر من ست سنين وبغيت اموت من الجلسه وصرت حساسه وعصبيه وكنت دائم اكتب مواضيع الي تضايقني يعني اي شي ينرفزني طبعا الي خلاني كذا هو الفراغ وايضا سبب لي رهاب اجتماعي وايضا كنت اجد مضايقات في البيت من اخواني لحد ما جمعت قرشين ولتحقت بدبلوم حاسب سنتين ويوم دخلته تغيرة نفسيتي مائه وثمانين رتحت راحه وتعرفت على بنات وتغير نظامي صرت انام بدري واصحى بدري وكلي نشاط واحب الحاسب وايضا الي فرحني ان الوظيفه مضمونه. ودورت سواق مع محرم ولقيت واحد ثقه معه زوجته وصرت اروح معه والحين انا ادرس لي كم شهر يعني بنص المهم امس طلبت من حرمة السواق اني امر على الخياط اودي تنورتي قالت طيب ونزلت والحرمه معي جزاها الله خير وعطينا الخياط الكيس بس يقصر تنوره يعني ما جلست اخذ واعطي معه المهم بعد يومين اخوي الصغير الي اصغر مني بخمس طعش سنه قلت له يروح يجيب التنوره قال لا انت غلطتي يوم تروحين فيها لحالك والقى علي محاظره طويله ويقول انت طايله خطاك وانت تسرحين وتمرحين على كيفك وسمع اخوي الثاني هواشنا وسئل وش السالفه وقلت له عاد اخوي هذا اصغر مني بخمس سنوات وجدا عصبيً ولو ايش ما يودينا لشي ويجيب لنا شي معنه موظف وعنده سياره واصلا هو كسول لابعد درجه ما يخدم نفسه عشان يخدمنا المهم قالي اصلا انت روحتك للمعهد غلط مع سواق قلت بس السواق معه زوجته قال ولو قلت يعني وش قصدك اجلس في البيت قال والله المعهد مو ضروري ولا انت بتموتين اذا جلست في البيت الله قال وقرن في بيوتكن انا صرخت عليه اببرد حرتي لانه كذا مره تاذيت منه قلت مش بوزك احلس في البيت ليش اجلس المهم هو ما يقدر يخليني اجلس بلغصب يخسي بس كلامه جرحني بقولته منتي ميته اذا جلست في البيت والمعهد مو ضروري ماهو حيات او موت بنات انا مقهوره من حالي انا بنت محافظه وعفيفه ولا عرف خرجات ولا طلعات دائم في البيت وما اعرف الا المعهد ومع ذا الك يقولون لي طايله خطاك اجل وش لو يشوفون بنات الناس الي اربع وعشرين ساعه اسواق وقهاوي ومطاعم سبحان الله تذكرت جدتي يوم كانت عايشه اذكر كنت جلست خمس شهور ما طلعت من البيت ومره قررت اروح اسجل دوره فرحت العصر بس اسجل وارجع وما دريت الا تقول لبوي الله يرحمه ايه هذه البنت مخلينها على كيفها تسرح وتمرح قسم بلله اني مصدومه من كلامه الى الان لا تشيش ابوي كل ما اتذكر كلمتها هذه اقول الله لا بسامحها بعدين ارجع واستغفر. مقهوره من حالي ليش كل شي يتكاثر علي حتى المعهد اذا رحت له او التسجيل اعتبر وحده سمعتي شينه ووده طايله رجلي ووحده اسرح وامره على كيفي والله مقهوره