زوجي ماله اي دور بحياتي فيه احد زيي

القهر ان فوق انه مخليك تلعبي دور الرجل والمرأة 
والام والاب 
انتي تسفريه على حسابك وتجيبي له هدايا  .. ومن بداية حياتك قالك انا تزوجت موظفة عشان تصرف على نفسها 

وحاس انه عمل خير واحسان فيك لما خلا بطاقة البنك في يدك 

وحتى تجربة الانجاب ما اظن تتكرر اذا هذا وضعك معاه 

واضح من كلامك انك ما تبين الطلاق ولو تبين الطلاق كان تطلقتي من البداية وخصوصاً انك 
موظفة وراتبك عالي 

شوفي حبيبتي 

هناك حلين لا ثالث لهما 

زوجك هذا كان واضح معاك من البداية وهو رافض للتغيير 

ولا فيه شي راح يخليه يتأثر ويتغير دام تجربة زواجه الاولى وخلع زوجته له لم يجعله يتأثر ويغير من نفسه 

وانتي رضيتي من البداية وسكتي لمدة اربع سنوات 

عشااان ما تبين الطلاق 

الشي الي انتي تبينه من زوجك في نظري خيالي 
انه يصير رجال البيت ويتحمل المسؤليات ويكون اب الاولاده 
كيف حنون عليهم وهو ما يصرف عليهم فلس ولا حتى  يوديهم مستشفى للتطعيمات والعلاج ؟؟ 

ولا هو دااري عنهم 

عايش لنفسه فقط . 

1- انك خلاص تتعايشي مع هذا الوضع وتتحملي كل المسئولية وتطنشيه ولا تهتمي اذا دخل البيت مكشر او ما عطاكم وجه او عاملك بقسوة 
خلاص اعتبريه هوااااء 
مو هو كذا عاجبه انه معتبر البيت فندق للنوم وبس 
خلي البيت له فعلاً فندق 

قللي كلامك معاه ويكون الجواب على قد السؤال 

وسحبي علييه .. واعتبري الاكل والشرب الي له صدقة منك له عنك وعن عيالك 

خلاص عيشي لنفسك ولا تسألي فيه ولا تحاسبيه 
انتي انسانة مستقلة والحمد لله 

واذا ودك في الانجاب كلميه باللغة الي هو يفهمها بس انه يآخذ وما يعطي شي 
قوليله انا ابي احمل وكل شي علي وانت ما راح تدفع شي . 

ولا تعطيه لا هدايا ولا تصرفي على سفريات ولا شي 
ودك تسافري شوفي حد من خوانك يسفرك لا تسافري معه وتخليه يتونس بفلوسك 

لا تعطيه ريال من راااتبك ولا ريال يطلع منك له 


2-  انك تآخذيها من الآخر وتخلعيه مثل الأولى وتتنازلي عن كل شي 
وتعيشي حياتك لوحدك في شقة قريبة من اهلك 
وخدامتك عندك 
والسايق عندك 
وعيالك حولك .. وطلبي انه يتنازل عنهم تنازل نهائي ودفعي له مبلغ محترم للتنازل وانا اظن بيوافق وبيبصم بالعشرة  .. الي مثله ما يهمه غير جيبه 

وخلاص يطلع من حياااتك نهائي وكذا ترتاحين من وجع القلب والراس 
وان ودك بالزواج مرة ثانية اختاري صح هالمرة 
واذا ودك تعيشي لعيالك تكوني عايشة بكرامتك 

اما حل انه يعدل من نفسه ويصير رجال .. هذا ما راح يصير 
دام اهله مشجعينه وامه مسيطرة عليه وافكاره متخلفة 
الي كذا يعيش ويموت وما يتغير ابد 

الخيار والقرار بيدك 

اما تواصلي وتتأقلمي على الوضع 
او تتطلقي وتعيشي حياتك 

وفي كلا الحالتين انتي عايشة لوحدك ومحتملة كل شي 
غير ان في الحالة الأولى انك متزوجة بالاسم والاوراق الرسمية فقط 
وفي الحالة الثانية انتي مطلقة . 

استخيري والله يوفقك 

موفقة

انا مع حرة على كف صقار وازيد عليها انو كويس انه حنون على عياله وماقد اجبرك على فلوسك او تسلط عليك الفلوس تجي وتروح لكن ابوهم من يعوضهم عنه ؟ 
تأقلمي مع وضعك وادعي له بالصلاح 

صح كلام حره على كف صقار

ايش الله حادك تعيشين معاه ؟؟؟ والله كأنك مطلقه متزوجه بالاسم بس
لانفقه لا احترام لا حب وعلى الطالعه والنازله عجبك ولا بطلقك !!!
بالله هاذي حياه 
اهم شي الكرامه حبيبتي ليه تعيشين مع شخص مايحبك ومستعد يطلقك في اي لحظه؟

استأجري شقه على قدك انتي وعيالك
وعيشي حياتك

الله يفرج همك حبيبي ،، ومعليش لو كان كلامي قاسي بس انقهرت عليكي..