شاركي في النقاش

سجلي الدخول لإضافة تعليق.

التعليقات

384
  1. ليست للقلوب الضعيفه

    هذا موقف صارلزوجي في بيتهم في عرفه
    قبل ماينقلون هو أقوى شي...
    بيتهم كان شعبي غرف وحوش ذحين نقلوا المهم في غرفه في حوش وراء بيتهم زينوها ورتبوها وقرروا ينامون فيها هو وأخوه عشان يتوسعون
    في ليله يقول بارده لدرجه تسمعين صرير الأبواب...فلم مرعب
    صاكين الباب وظلام طبعا"ويقول كنانايمين سمعنا صوت لهيث مثل لهيث الكلب في الغرفه يقول فتحت عيوني وطالعت
    الا شي في الزاويه يقول غريب اه اه اه يقول زي الدب كبره
    وكأن له شعرغزيريقول اتغطيت في البطانيه وخفت اصحي اخويه يخاف
    لمن صحينا يقول سألني قال شفت الي شفته البارح؟
    قلت إيوه إنت شفت؟أناخفت عليك تخاف؟


    أقل درجه..

    برضوا عمي يقول صحيت الصبح يقول لقيت أمي جالسه عندالرماد محل النار
    يقول وأنا أجي من وراها أتلبطها يعني أحضنها
    قلت ياكهله إنت ايش عندك صاحيه من ذحين؟عمي مزوح
    يقول طالعت فيا عرفت إنها مي أمي وقام شرد وراح لإمه يتأكد
    تقول جده فجعني يوم جاني يمه يمه موهواإنت الي عند النار....عمي من بعدها ماصار طبيعي.

    خلاص الموضوع صار لمواقف الرعب أفتحواموضوع ثاني للغرابه من دون رعب



  2. كمان أهل زوجي في الديره عرفه دايم يسمعون صوت ورع يبكي يخرجون يدورون مايلقون شي
    وساعات يحذفونهم بالحجاره ولد عمي كثير وهو يصلي حصيات تترمي عليه أذى
    وعند الطبطاب هو زي القناه مبنيه من الحجرأثار عين زبيده
    يشوفون زي الكهل بعكازه يتعصعص وهم عارفين حارتهم مافيه أحد غيرهم وبيتين من جماعتنا وقتها

    عمتي تقول يوم لمن صحينا جالسين أنا وعيالي واقولهم
    والله ياها الورع البارح مابيتني طول الليل يي يي يي
    تقول الا صوت من أمة الدواليب (جهة)
    والله ياها الورع البارح مابيتني طول الليل يي يي يي
    بإستهزاء عادهم متعودين ماشاء الله عليهم

    جدتي وأمي زمان لمن أتيتمت أمي ماكان في بيوت زي ذحين يبنوون صندقه(زي الخيمه من صناديق التمر يطرقونها في بعض) الي ماعنده يبني بالحجر ويسكنون فيها
    تقول جده حجاره تتحذف على الصندقه وتقول في وحده عتيبيه
    تمر من عندنا لضوت بغنمها وتعطينا حليب حانه علينا كانت كل يوم تمر علينا وفجآه قطعت تقول راحت الأيام وقابلتها عند وحده من جماعتنا وسألتهاليش ماعادتمرينا عسى ماجاكي مننا شي؟
    وتقول اتعذرت قالت دربي أتغيرت وأنا أتعب وزي كذا..

    لكن لماراحت جدتي مااقتنعت وسألت الحرمه الثانيه اذا قالتلها شي العتيبيه
    قالت إي والله بس هي خافت تنفجعين تقول ليله جيت أمرهم لقيت عجوز من ورا الصندقه يتعصعص
    زي الي يعسعس بعكازه ويخوف شكله
    وترهانفس حارت بيت عمي وحارتهم قدام الممشىى من جهة جبل الشعرى قدام التردديه واحنا نسميها الخاصره
    والظاهر إنه نفس العجوزالي من زمان لأن جدتي لمن سمعت عمي يحكيها عن العجوز قالت إيوه إيوه هذيك
    محلاته...
    اختي زوجك من هناك شافه؟
  3. @lkaaa_alafkar

    يمه يا ملكة صح ممكن تصير

    لان بسم الله معمرين مره شفت برنامج اماراتي عن بسم الله جنيه ساكنه بالبحر 
    توارث الناس اخبارها و شكلها وفي من زمنا من شافها

    الله يحفظنا 
  4. @lkaaa_alafkar

    لقاء الافكار
    يمه يا ملكة صح ممكن تصير لان بسم الله معمرين مره شفت برنامج اماراتي عن بسم الله جنيه ساكنه بالبحر  توارث الناس اخبارها و شكلها وفي من زمنا من شافها الله يحفظنا 
    في شيء غريب دايم يصير لي تقريبا من سنتين بدأ

    لما اتكلم عن شيء و اذكر كلمة غريبة مثلا كلمة سكر القى قدامي الكلمه يا بتلفزيون او محل بشارع او مجله او جريده جنبي
    احيانا نمشي افتكر اخوي وتكلم مع زوجي عنه القى اسمه او كلمه عن موضوعنا و احيانا قبل منطق القا الكلمه قدامي وهي بلسان بتطلع

    اتمنى فهمتوني و الله خايفه بداية هلوسه عندي خخخخ
  5. بسم الله عليكي لقاء
    أولا"سامحيني أنامسامحتك..
    ثانيا" صح ذكرتيني هذي تصير معايه كثيرحتى أيام الكليه لاحظتها في البنات في الجلسات نفس الكلمه
    أوالموضوع يتكرر أو في السياره نكون نتكلم وتتكرر الكلمه في الرادي
    أو نفس الكلمه نقولهاأنا وزوجي سوى ((منزود التوافق)) ماشاء الله
    هذا فعلا" زي ماقالت الأخت تخاطر

تابعي تجارب أخرى من هذا القسم.