كارهه نفسي وبس ابكي

السلام عليكم ورحمة الله وبركاته 
معليش تعبتكن بمشاكلي تحملني وراح ادعي لكن 
البارح قبل مانام تكلمت مع زوجي بموضوع والله اكلمه بهدؤء  قلت له اخواتي يبغوني يزوروني ابغا فلوس ابمشيهن ماعمرهن جاني من 8 سنوات انا اللي اروح لهن بس بالسنه مره وقالي ماعندي قلت له طيب خلاص بس نروح لمحل حلويات وابقضي للقهوه وللبيت مره فاضي قالي تراكي ازعجتيني ماعرف انام وهو وقتها يقلب بالجوال قمت من عنده وكلمت امي متى جايه قالت من قالك قلت خواتي بالواتس قالت جايين بس ماراح نمرك بالبيت انا جايه لعشان اختي والبنات اباخذهن يجلسن عند بنات خالاتهم 
قلت طيب مروا اشربوا القهوه عندي وروحي لاختك  قالت مالوم زوجك فيك لا احترام ولاتقدير  
حتى خواتك ماتكلمينهن  ولاجبتي لهن هدايا نجاحهن 
هي تكلمني ع اساس ان زوجي غني وهو خيره لاهله والله البيت فاضي وانام احيانا من غير عشاء يجيب لعياله وبس 
من فين ابشتري لهن هدايا 
المهم قلت خير اللي ماجوني ايش اقدم لهن 
ورحت لزوجي قلت خلاص مو جايين وقالي غصب جايين يستانسوا مو ينكدوا قلت ليش اش فيني انكد عليهم قالي انا متحملك والسنه هدي بزياده خلاص صبرت بمافيه الكفايه عليكي قلت خير ايشبك والله اتكلم بهدؤء قالي نامي بس لو اتكلم اصبح علي الصبح من مشاكلك حلفت بالله يقولي ايش عملت قولي عيوبي يمكن مو حاسه فيها اعدلها قالي لو اتكلم زياده ضغطي راح يرتفع اسكت احسن قلت ع راحتك  قالي وين الراحه خلاص طفشت والسنه دي بزياده 
قلت ماتبغااني لاتقولي مشاكل طلق وترتاح  وقالي هدا اللي راح يصير 
وجلست ابكي عنده احسني مخنوقه لاني والله ماقصرت معه دلع ونظافه واسلوب ولا اجادله بالكلام بس حضي كدا 
سمع بكائ ولا تكلم ولاحن لي 
وصحيت اليوم البيت فاضي والله حتى الخبز مو عندي 
مادري كيف اعيش مع واحد نيته طلاقي والله كسبته بكل الوسائل ولا فاد 
اعرف ماراح يطلق امه ماراح تخليه  بس متاكده بعد عمر طويل ادا امه ماتت راح يطلق 
طفشت من العيشه هدي ياليتني مت مع امي ولاعشت هالحياه 
بنات كارهه نفسي وبس ابكي 

61 تعليق 15,026 مشاهدة

شاركي في النقاش

سجلي الدخول لإضافة تعليق.

التعليقات

58
  1. @shtha_alorod_2

    الله يعينك ياقلبي ويفرج همك عليك بالاستغفار في كل وقت وحين واصلحي من حالك والجأي للرحمن سبحانه تقربي له بالنوافل وادعيه اخر الليل انه يسخر زوجك لك وييسر امورك وهو ماراح يخيبك سبحانه
  2. اختي اللي كلمتيها بالتلفون أمك او زوجة أبوك. لانك قلتي ياليت مت مع امي 
    اذا أمك اقنعيها تجي ولو عشر دقايق تشوفينهم ويشوفونك
  3. @nfsy_ahkk

    حسيت فيك ضعف بشخصيتك كبيرررر انتي ماغلطتي ليش تبكين وتستضعفين عند زوجك ووتسكتين عن حقوقك ترا الرجال يكره المسكينه الضعيفه الي تنوكل حقوقها يبي الي يصرف عليها وتطلع حقوقها من عينه انتي بنفسك تقدرين تغيرين شخصيتك وترا لا الكلام ولا النظافه ولا الدلع تنفع بدون قوه شخصيه خليك قويه واثبتي ع حقوقك لاني بصراحه اشوف حقوقك مسلوبه ليش عايشه بجوع وساكته ؟ ليش تنذلين وتبكين عنده ولابعد تسالينه وش عيوبي ؟؟؟؟؟؟؟؟؟؟؟؟؟؟؟؟؟؟؟؟ قمه الضعف لاتزعلين مني بس اصارحك مثل اخت لي

تابعي تجارب أخرى من هذا القسم.