استشاره في شراء بيت في الرياض ؟!

فعلا المونسيه افضل من لبن بمراحل

ومكانه استراتيجي ولو ما حصل هذا البيت لكم دوروا حواليه افضل المناطق هناك

المهم

انتظروا شوي ممكن مع مشروع الاسكان ترخص الاراضي والعقار وتستفيدون لو شوي

ورايي كمان ابعدوا عن الشغل التجاري

ابحثوا عن بيوت لو قديمه شوي لها 7- 10 سنوات وتشترونها من صاحبها مباشره بدون وسيط
او بوسيط واحد مو اكثر

ورممو فيها شوي واسكنوها بيكون عماره فيها بوفاء وكويس لانها شغل شخصي

الله يعينكم يارب

البناء التجاري مشاكله و عيوبه كثير

أنا الأن ساكنه بيت ملك و فكرنا نشتري بيت أكبر

و كنا ناوين نعمل زيكم بس لما شفنا العمار التجاري

تراجعنا ولغينا الفكره المساحة صغيره جداً و البيت عماره مواد تجاريه رخيصه و القيمه

ما تنزل عن مليون ريال

و بعد تفكير و حسابات

أخذنا أرض مساحتها كبيره حيل قد البيت اللي حصلتوه أربع مرات

و جنب أهلنا و أحبابنا الجدار بالجدار و بحي ممتاز و فيه كل الخدمات

ما كلفتنا مئة ألف ريال و فيها صك شرعي كمان

وراح نعمرها بإذن الله على رغبتنا

لكن أحنا بالقصيم مو بالرياض

معروف الرياض غالي حيل

لذلك تريثو حبتين هذا بيت العمر

حاولو تبحثو عن قطعت أرض بأحياء

متوسطه و تعمروها أوفر لكم و أضمن لكم من البناء التجاري

اللي مع الأسف ثلاث أرباعه غش في غش

يالله تعبنا من غلا العقار وغلا الايجارات ياربي تفرجها لنا ونبني بيوت ونصير مثل الناس

الله يسعدكم جميعاً . والله مليت من كثر ماانتظر العقار يرخص وكل ماله ف زود وارتفاع شكله ماراح يرخص الا ف الاراضي اللي برا المدن لكن اللي بوسط الرياض وشماله وشرقه مااتوقع . بالنسبه للروضه دورت في حي الخليج والنهضه لقيت فيلا مساحتها 480 بمليون و 900 متخيلين السعر وعجزت القى بيت قديم ودي به يعلم الله بس وين القاه فيحبذا اللي تعرف احد عنده فيلا دور او دورين بناء شخصي في الروضه ولا النهضه  تسوي فيه خير وتدلني عليها وان شاء الله ان ماراح انساها من الحلاوه 😘😘