اختي الي اصغر تزوجت!!!/ استوفى الرد

 
لا والله مو حرام زواج الصغيره قبل الكبيره
صحيح الوضع يجرح البنت الكبيره ومؤذي جداً لمشاعرها
لكن هذا القسمه والنصيب والحمد لله على كل حال.
أنا خواتي اللي أصغر مني ثنتين تزوجن قبلي وأنا للآن أنتظر نصيبي اللي أفضل من نصيبهن بإذن الله ، لا وبعد اختي اللي أصغر مني تزوجت اللي كان خاطبني وأشترط عليّ اترك الماجستير ورفضت لأن الوقت كان قريب من تسليم الرساله فقرر أنه يتزوج اختي الصغيره و وافقت والله يهنيهم ويوفقهم.

وأنتِ بعد لا تحسسين وخلي صدرك شمالي ، وأكثري من الدعاء
فمن أدمن قرع أبواب السماء يوشك أن يفتح له.
الله يرزقني ويرزقك وجميع بنات المسلمين الأزواج الصالحين ، والذرية الصالحة البارة إنه سميعٌ مجيب.

موفقه

أختي أنا كل زميلاتي وصديقاتي الي بسني وأصغر تزوجن ومريت بظروف ربي يعلم فيها بس والله زاد يقيني بالله ووحدة من صديقاتي سبحان الله كان رقمها معاي لسنين وانقطع تواصلنا وكنت لما اشوف رقمها اريد ارسل بس اخاف تكون مغيرته وسبحان ربي تواصلت معاها وهيه كانت متأخرة بالحمل تفاجأت انها بعد صبر سنين واضطرت تزل عن الوظيفة لانه ربي فرجها عليها والله كانت مع ربي سخرها لي جلستتحكيلي بقصتها عن الحمل وصبرها وخبرتني اني استمع لمحاضرات في اليوتيوب عن اليقين و حسن التوكل والله انه فعلا راحة وانا الحمدلله الحين قوية وعندي يقين انه ربي اعطاني الوقت حتى اطلب الي اتمنى وانه ما اخرني الالحسن الاختيار
توكلي على الله وتأكدي بان ربي يخبأ لك الخير الكثير وادع بالقيام واستغفري ولو اختك ضايقتج ادعيلهابالهداية وادعي بالخير لكل احد صدجيني راح تحسي براحة عجيبة

خواتي الثلاث اللي اصغر مني تزوجوا قبلي و كل بنات الجماعه اللي بسني و اللي اصغر مني وصحباتي خلصو , وشباب الجماعه اللي مناسبين لي خلصو يعني يامطلق او ارمل او متزوج او كبير اللي بقيلي .

شكرت الله وحمدته , فرحت لفرحة خواتي وماهمني كلام الناس لاني مني مستعده اخسرهم عشان عادات وتقاليد وكلام حقاد وحاسدين ومهما كان هذا وقت نصيبهم
و انا اعرف ان الرازق هو الله وانه كاتبلي كل خير وصبرت وماحسست اللي حولي اني متضايقه من وضعي , اشغلت نفسي باشياء ثانيه عشان اثبت للناس اني طبيعيه ومني ميته عشان زواج
والحمد لله اهم شي كرامتي وما ابان للناس اني ضعيفه
رزقني الله بواحد من الجماعه ماكنت ادري من وين طلع و الكل انصدم . والحمد لله رب العالمين
هو المانع ويمنع لحكمه لاجل وبرزق الواحد من حيث لايحتسب .

لكن الاهم ان يكون عندنا امل في الله وتفائل انه مهما كان الشي مصيبه او نعمه فهو كله خير اذا مابان خيرها في الحاضر راح يبان في المستقبل وربك مو ظلام لعبيده .

هذي تجربتي والحمد لك يالله و الله يرزقك بالزوج الصالح اللي يبرك و يكون قرة عين لكي عاجل غير اجل اللهم امين

اعوذ بالله منك ياختي يعني خطبك ورفضتيه ولم اخذتها اختك حلا في عينك
ياشيخه حرام عليك والله انا بالاول تعاطفة معك لكن بعد ماقريت ردك ذا
قلت مالك حق خطبك ورفضتيه يعني اهلك عداهم العيب من البدايه ماكان نصيبك
طهري قلبك من الحسد والمقارنه وعيشي حياتك بسلام هذا نصيب اختك
وانتي ربي بيرزقك الي احسن من نصيب اختك والله العظيم ماتدري
بس انتي ادعي الله وتحري اوقات الاجابه ركزي في احلامك وخلي عنك حياة اختك حرام والله

ياصابرين الله يعين