تربية أمي لنا..والنتيجه؟! أتمنى الاقي الحل

السلام عليكم ورحمه الله وبركاته
بقولكم معاناتي انا واخواتي واتمنى الاقي اللي تفيدني
امي من النوع المتحجر ومتدينه بقوه وربتنا ع ان البنت بيتها وبس كانت تمنعنا نروح زواجات

بحكم ان القصر حرام عمري 22 بحياتي كلها مادخلت قصر الا مره وحده

عرس عمي بوقتها عمري 5 سنوات وكان محلوف عليها من جدتي انها تحضر زواج ولدها

وما اذكر كيف شكل القصر ننرحم وربي :06:

كرهت حياتي لمن دخلت الجامعه تفاجأت بناس انهم من حارتنا لاني ماكنت اطلع واشوف العالم

طلعاتي ع العزايم فقط بيت عمامي وخوالي ومو كلهم لي عم مااعرف شكل بيتهم مو قطاعه بس امي

ماعودتنا ع الناس

واذا رحت لبنات عمامي وخوالي ماعندي شي اقوله كلهم يتكلمون عن فلانه وعلانه اللي شافوها بالعرس واصلا مايعترفون فينا لان بنظرهم جهلاء بالحياه .

الكشخات واللبس مثل الاوادم مانعرف لبسنا هلاقه مكياج مانعرف كيف نحطه القصير والبنطلون اللي تلبسهم مسويه مصيبه


والمشكله الثانيه اللي شاايله همها ليل نهار زواج اخوي بعيد الفطر..وانا معرف اي شي عن القصر ~~ القصور اصلا مدري كيف شكلها ~كنا مره عند خوالي وربي خالاتي قعدن

يتطنزن علينا اننا مانعرف شيء وكيف بنخلص عرس اخوي واقوول بنفسي الله يسامحك ي يممممه ليشش تسوين كذاا

ابي وحده فاهمه بالعرس وتقولي من الالف الى الياء وش اللي علي اسويه من حلويات من قهاوي من توزيعات كيف تنعمل
والديجيه اسمع عنه بس ماادري وش هو تكفون والله لاادعيلها اللي تفرج عني
ابي بالتفصيل الممل ..

48 تعليق 8,133 مشاهدة

شاركي في النقاش

سجلي الدخول لإضافة تعليق.

التعليقات

46
  1. عمرك 22 ولسا في احد يتحكم في شخصيتك؟
    غريبة ليش امك كذا العادة الاخوان او الاب
    اما ام شالسبب لازم تكلمينها بهدوء وتناقشين معها وتفهمينها انك مو مرتاحة بالوضع وهالشيء ياثر عليك
    ممكن جهل ممكن اذا عرفت انها غلطانة تتراجع
  2. امك تبي مصلحتكم فأرجوك لاتنتقدينها

    موضوع زواج اخوك اسهل من السهل نفسه

    الديجيه يعني تقريبا مسجل تجيوحده تشغله لكم اشرطو عليها بدون موسيقى اوايقاعات دف فقط لان الايقاعات والموسيقى لاتجوز

    اذا حجزتو القصر اطلبو عاملات وليلة العرس فهمو الشغالات على اللي تبغون

    التوزيعات المحلات مليانه اختاري اللي تبغين وشوفي افكار من النت

    العشا بوفيه احجزوه وهم يجيبونه لكم للقصر

    اهم شي امك لاتزعلونها ولاتسون شي الا برضاها

    لاتقولون للناس انكم ماتعرفون الشغلة اللي ماتعرفونها اسألو فالنت احسن من سؤال الناس وجها لوجه
  3. @fy_shab

    لا تزعلين ترى فيه بنات كثير ما لهم في المكياج رغم انهم ماهم ممنوعين منه ولا يطلعون كثير ايضا
    القصر وامور الزواج هنا بنات منزلين مواضيع كثير عن حفلاتهم في قسم الطبخ وقسم الجمال والأناقة في تجهيز العرايس روحي هناك واطلعي عليها واذا حبيت اسأليهم عادي

    مبروك زواج اخوك الله يوفقه وعقبالكم

تابعي تجارب أخرى من هذا القسم.