زوجي يقولي الحقي على عمرك !!!!

شوفي من ناحية كلمته تلاحقي عمرك تراه صادق لان المره من بعد ٣٥ تقل عندها فرصة الحمل حتى لو حملت تكثر التسقيطات وكل ماتكبر كل ماكانت معرضه لتشوه الأجنه وهذا كلام دكتور فااهم وشاطر مش كلامي اما بالنسبة للرياجيل يقدرون يخلفون اللين يشيبون ممكن يااخذ بدال الوحده اربع ويجيب منهم كلهم عيال عشان كذا ياحلوه حاولي تقنعينه يصبر عالأقل ٦ شهور وتخلفين عيالك كلهم ورا بعض لين سن ٣٥ بعدين توقفين وتربينهم كلهم مع بعض بس بس بشررررط قوليله جب لي خاادمه تساعدني انا ماقدر على شغل البيت وتربية العيال وحاولي تقنعينه على فكره انا اعرف بنات وااجد اعمارهم ٣٠ عندهم اربعه وخمسه يادوب خلصوا ٣٠ واللحين اعرف وحده عندها اربعه توها ٢٩و تقول باصبر سنتين وباخلف بعد اثنين ورا بعض ان شالله وتربيهم وخلاص تبتدي عنايه في نفسها وتركز على روحها وهي موظفه وعندها خدامه والحمدالله الله رازقنا الخير والامان والرزق الطيب وانتي بعد حاولي تقنعينه ياانه يصبر سنه بعد او يستقدم لك شغاله تعاونك .

جزاكم الله خير عالردود الطيبة .... يعني بنات عادي الوحدة تحمل و تولد الين توصل الاربعين ... لان اتوقع سمعت ان الفرص تقل بعد الخمس و ثلاثين...



الله يوفق كل من ردت علي و يرزقها ما تتمنى

المشكلة ما نقدر نجيب خدامة ... راتبه يا دوب يكفينا اخر الشهر والباقي يروح اقساط ... لو قلت له جيب خدامة بيصفقني تصفيق ...

هذا الامر راجع لك انتي وزوجك اما انك تقنعينه بسنه ونصف تريحي فيها او يقنعك .. واللي تقول ما عليك منه
اقول خطاء عليك .. ممكن بسبب رفضها وتطنيشها له يجيب ع راسها شريكه .. عاد الرجال لا بغو سبب لقوه ببساطه ..

أنا أشوف مادمتي بغربة تحملين عشان تجيبين أخو يسلي بنتك وترتاحين
وتربيتهم سوا
يمكن زوجك يبي ولد ويبغاك تحملين وقال ذا الكلام عشان يحمسك
ويمكن يحب الأطفال
أنا جبت ثلاثة وراء بعض صح هدت حيل بس في المقابل يسلون بعض
وأشغلوني في غربتي عن أهلي وكبرو سوا فترة وأرتحت من قومتهم وقعدتهم
صارو يعتمدون على أنفسهم