مقطع باليوتيوب فيه طبختي ومنسوبة لصاحب المقطع وانا اتهمت بالسرقة لكن الدليل بالداخل

السلام عليكم ورحمة الله وبركاته

يا اخواتي فيه موضوع لي هنا منزلته قبل سنة عن بطاطس لندن
واليوم دخلت لموضوعي بالصدفة ولقيت وحدة من الاخوات تتهمني بالسرقة
قالت ان الاكلة هذي لشخص عراقي وانه الصور تبع الاكلة ملطوشة من اليوتيوب
وحتى انها حطت الرابط ودخلته وبالفعل كانت طبختي والشخص عراقي
جالس يتكلم بنفس الكلام اللي انا كتبته يعني نسب الطبخة له هو
بس سبحان الله ربي يكشف الشخص اذا كان يكذب لاحظو انه مخلي الصور متحركة
طيب ليش ما نزل الطبخة دام انه شيف ويكون التصوير فيديو ومنها يبين فيها طريقة الاكلة
من البداية الى النهاية .. ما اقول الاحسبي الله على اللي يسرق اتعاب غيره وينسبها لنفسه
من جد عشان كذا تصير الطقة على راس صاحبها شي يقهرررر ..

هذا رابط طبختي

http://forum.hawaaworld.com/showthread.php?t=3954667

هذا رابط المقطع

http://www.youtube.com/watch?v=dK5znQT1F7M&app=desktop

وقبل شوي رحت وصورت الصينية اللي طبخت فيها البطاطس والصحن والطاولة حتى التصوير
خليته على نفس الطريقة عشان تتأكدون انها لي وكتبت اسمي بورقة والله والذي نفسي بيده
اني لاسرقت ولا لطشت من احد دائما طبخاتي من يدي ومن مطبخي ولاعمري فكرت اني اسرق
من احد وربي الشاهد علي والله اني مريضة من فترة طويلة ودائما كنت اطلب منكم تدعون لي بالشفاء
انا وش اللي والسرقات عسى ربي يشفيني انا وجميع مرضى المسلمييين

ادعوا لي بالشفاء العاجل لو سمحتوا ..

هذي صور اغراضي دققوا وتاكدوا








78 تعليق 17,897 مشاهدة

شاركي في النقاش

سجلي الدخول لإضافة تعليق.

التعليقات

77
  1. @am_lm999

    اوف اوف نفس الكلام اللي انتي قايلته.....

    اختي ام بيان الله  الله يوفقك لكل خير ......ولاتخافين ربك مايضيع حق احد...
    واسئل الله العلي العظيم يشفيكي ويشفي مرضى المسلمين اجمعين...ويرزقك راحت بال في نفسك وبدنك ودينك ودنياك...هو على ذلك قدير.....
  2. @ngm_khybr

    لاحول ولا قوة الا بالله
    مالومك طريقته تقهر اولا وش مدخله عالم حواء وكمان يقول انا سويتها
    الطريقه تبعك سهله مشاء الله كان سوها وصورها بدل مايضهر بتعب غيرة

    الله يعطيك العافيه ويشفيك ويلبسك ثوب الصحه والعافيه ويحفضك لاهلك
  3. صاحبة الموضوع
    الله يجزاكم خير يا اخواتي والحمدلله انكم تفهمتوا الوضع
    لانكم ناس فاهمة وماتطوف عليكم هالحركات تبارك الله
    ربي يسعدكم جميعا وعلى دعائكم لي ولجميع مرضى المسلميين
    اثلجتوا صدري
  4. @anfas_alghrob_2

    باينه السرقه
    لو انو صحيح هو اللي عاملها,,كان جاب الخطوات فيديوا,,,مو صور
    وكمان يكرر نفس كلامك
    حسبي الله ونعم الوكيل

تابعي تجارب أخرى من هذا القسم.