صبااح الخير صبايا
كيفكم مع الثقل والنوم وضيق الخلق الله يكتب لنا الاجر يارب
جتني حاله في السابع بس اصيح ونفسيتي خايسه وحتي عيالي تعبتهم معي مساكين يصيحون معي
ف فكرت اشغل نفسي هالشهر لحد ماتقرب الولادة واغير اهتماماتي ويارب افيدكم واستفيد
انا بعيدة عن اهلي وعندي بنت وولد وحملي هذا الثالث بعد 8 سنوات راحه
ولادتي الاولى ام زوجي جلست معي وقتها وماقصرت وولادتي الثانيه عندي شغاله لهلوبه وماخفت ولا شلت هم ابد
حتي الاكل تصلحه وتصلح حلا الضيوف والفطاير وكل شي
....
الحين ماعندي شغاله وعندي عيال وبعيده عن اهلي وغير عن كذا مطوله عن الحمل وناسيه كل شي يخص البيبي والولاده
الحمدالله الحمدالله ع كل حال
قلت ابدا ارتب اموري من الحين عشان مانحاس ووقت الولاده وتوهق
فقسمت شغل البيت كل يوم بعزل مكان فيه تنظيف شامل بدون مارهق نفسي
برتب الغرف وامسح الاثاث وارتب الملابس والجدران واعزل المطبخ والمخزن وعندي سجادات بوديها للمغسله
بطحن ووزع خلطاتي وحطها بعلب واحط عليها استكر مكتوب عليه اسم الخلطه عشان مالخبط
غير خلطات الجسم وزيوت الشعر ووخلطات التقشير انا طبعا مدمنه هالاشياء ههههههههههههه
طلعت ملابس البيبي وغسلتها بلملطف وبكويها وارتب شنطه المستشفى وجهز ملابسي بعد الولاده وحطها بدرج بلحالها مكويه وجاهزه
وشريت طقم لضيوف ترامس وفناجيل وكاسات جديده طبعا استقبل بالصاله بمسح جدرانها وودي الكنب المغسله
وجبت طاوله كبيره احط عليها الضيافه والقهوة والشاي من بدري قبل الضيوف يجون
وجبت اكواب وملاعق وصحون بلاستيك للاستخدام السريع وشريت مفرش لسريري هادي ماحب العفش
ولنفاس بجهز من نهايه هالشهر خضار بالفريزر للمرقوق والشوربه ووقت الطبخ بس اطلعها وكبها ع المرق
غير اني ناويه اسوي عصيده التمر واوزعها بكياس صغيره واحطها بالفريزر ووقت الي ابي اطلعها وحطها بالميكرويف
وللقرصان او الخبز حق البيت بجهز كميه ووزعها باكياس وافرزلها ونفس الشي اطلع كل يوم بيومه
واكيد تمر مع حبه سوداء وزيت زيتون لفطور الصباح الزيت زيتون انا احبه وعشان ابعد عن السمن والزبده مو ناقصين سمنه هههههه
هذي افكاري وربي يسسرها لي ولكم يارب والي استفادت تدعي لي بظهر الغيب بالولاده الميسره لي وللاخوات
والي حابه تضيف من عندها ويسستفيدون البنات تضيف
؛؛
&بقدومه هلت البشاير..وبصوته هز المشاعر..&ملف التباشير الأول لمواليد مارس*وابريل*2014*
متابعة النقاش، صفحة 308