السلام عليكم ورحمة الله وبركاته
انا حامل واروح مستوصف عشان مراجعات الحمل وعندي اطفال غير اعتني فيهم يعني مشغوله ومن حالي في شاني
دايم اتعرض من اهل زوجي من مضايقات وغيره وطول الوقت يتدخلون بشكلي لاني رشيقه واهتم بنفسي وقوامي وملابسي كلها اشتريها على الموضه ومتجدده ودايم اغير بستايلاتي وزوجي يقولي والناس الي برى اني جدا انيقه لين هينا كفايه ماحب اقعد امدح لكن ابي احطكم بصوره عشان ماتفهمون غلط :humm:
الا عبايتيي ماحب اخذ وزر كل من يناضرني من الرجال والكشخه من تحت العبايه لزوجي والي حولي مو للرجال الي برى كنت من زمان اكشخ والبس كتف والعيون فيني اربع اربع واستحيت من ربي وعلى دمي ولبست عبايه وسيعه وفضفاضه وتسترني
وكذا ارتحت من غيرة زوجي الزايده وصاار يحترمني
وارضيت ربي واتمنى انه راضي عني لكن لاحظت ان اذا فسخت عبايتي بمكان عام وكاشخه يعاملوني معامله محترمه ومميزه واذا دخلت بعبايتي الراس يعاملوني بعدم مبالاه وكاني مو فاهمه بالموضه ليه لازم كتف عشان اعجبهم مالكم بطويله
رحت المستوصف ودخلت على ممرضه سعوديه كبيره بسن وانا لبسه عبايتي ومرتبه ومحتشمه والعبايه فضفاضه
ماهي من النوع الي تشف الجسم مثل بعض عبايات الراس وسالت عن التحالليل متى تطلع وقالتلي بعد اسبوع وبعدها دخلت وحده مبهذله وكبيره ولابسه زنوبه ورافعه العبايه لركبه وكانت تعاملها عادي
وطلعت وقالتلي ارفعي الكم حق العبايه بسويلك تحليل دم واثناء الرفع قالتلي انتي تدرسين قلت ايه قالت أي سنه قلت بجامعه قالت مو باين كيف حكمت علي وانا ماكلمتها غير كلمتين وبعدين قالتلي انتي جايه من الديره على المستشفى قصدها اني جايه من قريه وقرويه قلتلها وانا مصدومه لا وقاعده تضحك بسخريه :humm: قلت ليه فيه شي ولا ردت بعدين قالتلي شكلك من اهل الديره قلتلها اذا كان قصدك عشان لبست عبايه فوق الراس مو مثل البنات هاليومين خوفي من الله اكثر ومابي احمل وزر كل من يطالعني وعمر التعليم واالكشخه ماكان لها علاقه بالمظهر ورجعت قالتلي شكلك مو من الشرقيه كانك من الديره مو مبين عليك انك جامعيه طبعا قمت وانا مستغربه ولا مره كلمتها او اعرفها وجرختني مره واثقه من نفسي برجع الاسبوع الجاي اعلمها حدودها وارفع فيها شكوى مالقيت الا انا تهين فيني وسب شكلي بالعبايه ولما قلت لزوجي قالي هي وقحه بس الناس اذا شافو وحده طاقه لثمه وكاشخه بالعبايه قالو جامعيه والمظهر مهم بهذا الزمن قلتله معاك حق بس مو بالعبايه عطوني رايكم وشلون لما ارجع اتصرف معاها لانها مره وقحه
الموضوع مغلق