بنات اللي مصابات بالروماتويد رود علي ابغى رايكم

بسم الله الرحمن الرحيم

السلام عليكم يابنات

ابغى اخذ رايكم والله احترت صارلي اسبوعين ماادري وش اسوي انام واقوم من النوم وانا افكر طبعا انا عندي روماتويد من وانا صغيرة والروماتويد دمر مفاصلي

وصرت على كرسي متحرك المهم قصة طويلة ويبيلها وقت المهم انا صارلي 9سنين وانا استعمل
البلاكونيل اللي هو الهيدروكسي كلوركين وبدا يصير

عندي تغيرات في الشبكية بس بسيطة فقررت اغير الدواء

والدكتور غيره الى الميثروتريكسات وقريت في مواقع الانترنت انه الله يكفينا الشر حنا واياكم ان بعد سنوات طويلة يسبب سرطان طبعا هي احتمالية ضعيفة وكمان انا ماابغى ادوية الابر وصراحة لي خمس شهور موقفة الادوية والترسب قبل 3شهور كان ستين الحين ماادري كم صار ابغا رايكم في الادوية واذا تعرفون ادوية زينة وماتخوف قوليلي

وطبعا انا مابغى اخوفكم ولاوحدة تقطع ادويتها بسببي لاني بصراحة انسانة موسوسة

9 تعليق 2,211 مشاهدة

شاركي في النقاش

سجلي الدخول لإضافة تعليق.

التعليقات

9
  1. @mo0on_shadow

    الله يشفيك ويشفيني ومرضى المسلمين

    ياختي مافيه شي اسمـه اوقف العلاج هذا المرض متعب عسى الله يشفينا منـه
    انا له سنيييييييين معي واحيانآ مع الألم تصيبني فترة ضعف شديده واقعد ابكي مثل الطفل الصغير...
    انا استخدم الميتوثركسيات عشر حبات اسبوعيآ والكلوركوين حبتين باليوم اضافه الى الجاسيك والكرتيزون
    وابرة الهوميرا كل ثلاثة شهور ومفاصلي توجعني وكوعتي خلاص انتهت وركبي وحتى حجم يدي تغير وضمر مع الجوانب...لكن اللهم لك الحمد ولك الشكر

    اذا تركتي العلاج بتزيد حالتك واما انه يسبب امراض خبيثه مع الزمن هذا عند الله والله يكتب لنا اجر الألام الي نحس فيها ونهش المرض بالعظم...انا مثلك دائم افكر بالاضرار السلبيه بس هذا قدرنا واللهم لك الحمد والـشكر...
  2. @aro_aalm_dar

    صاحبة الموضوع
    mo0on shadow
    الله يشفيك ويشفيني ومرضى المسلمين ياختي مافيه شي اسمـه اوقف العلاج هذا المرض متعب عسى الله يشفينا منـه انا له سنيييييييين معي واحيانآ مع الألم تصيبني فترة ضعف شديده واقعد ابكي مثل الطفل الصغير... انا استخدم الميتوثركسيات عشر حبات اسبوعيآ…
    الله يجزاك خير ويشفينا وجميع المسلمين
  3. @akhfy_dmoaa_aayny

    اسأل الله رب العرش العظيم ان يشفيك ويشفي كل مريض ماامن داء الا وانزل الله معه الدواء
    استعيني بالله وحده ارقي نفسك واستخدمي العسل مع الحبة السوداء والثوم يوميا عالريق وبااذن الله ترين الشفاء
  4. @abryz

    انا معاي الروماتويد من 17 سنه
    والي تعلمته انه ابد ما اقطع ادويتي ولا دكتوري
    مهما كانت نفسيتي سيئه
    لانه راح انتكس واتعب زياده وتصير لي مضاعفات انا في غنى عنها
    اذا حابه في قروب بالواتس لنا اذا حابه تنضمي معانا
  5. @oamtrt_that_syf_1

    ياحبيبتي أنا استخدم الميثوتريكسيت وإبر الهوميرا كل اسبوعين ، ولايمكن أقدر أوقف العلاج أو أخففه من نفسي لأني ماعاد أقدر أنام ولا أعيش من الآلام ، أما بالنسبة للمعلومة اللي تقولين إن الميثوتريكسيت يسبب السرطان فما أعتقد إن المعلومة صحيحية لأن الميثوتريكسيت اسمه الشائع عند الأطباء ( الكيماوي ) وهو في الأساس يستعمل بجرعات عالية لعلاج السرطان فكيف يسبب السرطان وهو في الأساس علاج له ! 

تابعي تجارب أخرى من هذا القسم.