الحقوو تضاربت مع اختي وامي اليوم واريد ان اموت

:(

مرحبا

بقولكم القصه واريدكم تواسوني والله اني متضايقه واريد الموت

احس ان مالي اي قيمه واني على الهامش

بقولكم القصه


امس في بيتنا ماشي كهرباء والمهم ولد اخوي كانت عنده شموع ويلعب فيها وانا المكان الي جالسه فيها ظلمه ولد اخوي عمره (9 سنوات )

قلت لولد اخوي : عطني الشمعة
قالي : جب مالج خص هذي مب مالتج علشان اعطيج ( مع المحاولات معاه , تلقيت ردود قبيحه منه )

طبعا اعيال اخوي مش متأدبين ماعندهم احترام للخالات والخوال والعم والعمة

المهم قمت ودزيته لان قال لي جب وطول لسانه علي

امي قالت : حسبي الله عليج من بنت ماتعرفين ان هذا ياهل

قلت : اذا هذا ياهل وكذا تصرفه معانا عيل لما يكبر شو بيسوي عادي يضربني وانا عمته صدق لما قالو ناس اخر زمن

المهم
امي دعت علي كم دعوة وانا رميت عليها تليفوني بس ماصابها

اختي قالت : انتي اطلع برع ولاتيليسن هني
المهم انا كنت ساكته وقاعده
اختي قالت لأمي : ليش تسكتين عنها بس لانها مريضه نفسيا

وانا اصلا مش مريضه والحمد لله فقط كنت اعيش بإكتئاب والسبب اهلي ومعاملتهم لي
مايستاهلون اني رفعت راسهم بدراستي والحمدلله انا حصلت على امتياز بالدراسه وجوائز عديده وتكريم لهم وهم باخرتها يعتبروني مريضه ولا قيمة لي وماعرفو ان هم الي مرضوني
لكن انا الحمد لله على كل حال شفيت من المرض وتعالجت وانتهى كل شي

المهم

انا قلت لاختي : اذا انا مريضه نفسيا فا انتي ..... ( ماقدر اقولها )

اختي قامت تصيح وبعدها

قالت : من زينج شوفي نفسج كل شياطين الدنيا لابستنج

المهم انا هنيه انجرحت زياده

والمهم قدعت بالغرفه وقمت اصيح ودموعي اربع اربع وصليت لي ركعتين لعل ربي يهديني

وانا المشكله اني ساكنه عند اختي نفسها بوقت الدراسه

وقالت لي خساره على الاكل الي تاكلينه من بيتي وخساره على التوصيله الي اوصلج فيها

المهم انا هني انجرحت اكثر وقلت في قلبي ( ليش تقول جذي ليش انا مب اختها والمفروض نساعد بعضنا وتعايرني بكل الي تسويه الله يستر اذا كبرنا اكثر ومن بعد عيون امي شو راح تكون علاقتنا )

دامهم جذيه انا ماراح اطلب منهم اي شي لما استقر عمليا راح اقول لخطيبي مستعده للزواج وراح انقطع عنهم نهائيا فقط ( لانهم اعتبروني مريضه نفسيا ) وراح اعطيهم مبالغ تعوضيا عن خدماتهم لي وماراح يسمعو حسي بعدها

تخيليوا صارو يخافون يقعدون وياي وخصوصة اعيال اختي وانا اشتري لهم هدايا واللعاب واحبهم لكن اختي قامت بتوصيتهم لاتقعدون معاها هذي مريضه والكل قام ينظر لي نظره غريبه

حتى امي صارت تتجاهلني واخواني
وكاني ليست موجوده

انا قاعده اكتب لكم هالموضوع واحس بضيقه بصدري والعبره خانقتني

احس ان مالي قيمة ابدا والله اني مش مريضه ولا شي والحمد لله متفوقه دراسيا ومواضبه على الصلاة واقرأ القرأن

لكن هذي معاملتهم لي وانا صغيره احس اني مختلفه عنهم تماما

تصدقون عشت بفتره لا احب الجلوس معاهم ودائما 24 ساعه بغرفتي

حتى الدكاتره انصدمو من حالتي والضرب الي كنت احصله منهم احيانا يغمى علي وما اصحى الا يوم الثاني وكانت على الجلوس في بيت صديقتي فقط لا اكثر وايضا ابوي ضربني بكليتي واصبحت الكلية ملتهبه عندي وانا كنت صغيره فقط على اني تأخرت وانا عند بنت عمي
( للعلم اخواتي مانضربو مثل ما انا انضربت )

تخيلو كنت انضرب وانهان وعمري 13 سنه انضرب قدام بنات الخلق ويضحكون علي

ماصار لي خاطر اجلس معاهم خلاص بعيش بعالمي بروحي ومابي حد يجلس معاي او يسولف معاي
ومالي خاطر اكل ابدا والله اللقمه ماتدخل بفمي اشعر بالحزين الشديد

انا اعتذرت لأختي واعتذرت لأمي ولكن الى متى انا على الهامش ومعاملتهم القاسيه
وربي اني حزينه وقاعده بغرفتي ولا اكل ولاشرب اريد الموت بسلام اريد ان انتهى من هذه الدنيا واعيش بسلام واعيش في قبري سعيده

ساعدوني جزاكم الله الف خير

واسوني

81 تعليق 12,681 مشاهدة

شاركي في النقاش

سجلي الدخول لإضافة تعليق.

التعليقات

76
  1. @akht_aamro

    ربنا معاكى يا اختى هونى عليكى الدنيا ما تستحق الزعل

    ربنا ان شاء يعوضك خير و يسعدك دنيا و اخرة
  2. @lmar_19

    صاحبة الموضوع
    اخت عمرو
    ربنا معاكى يا اختى هونى عليكى الدنيا ما تستحق الزعل ربنا ان شاء يعوضك خير و يسعدك دنيا و اخرة
    "نواره"

    اخت عمرو

    ربي يعطيكم الف الصحه والعافيه

    والله من شفت ردودكم عيوني دمعت انا تعبانه ياخواتي والله

    يارب

    مشكورين حبيباتي والله فيكم الخير

    ربي يجعلكم من اهل الجنة ان شاء الله

    اشكركم على مواساتي
  3. @aananoooodod

    لمـار
    اختي لمار
    هونيها وان شاءالله بتهون
    ودائما ادعي الله عسى الله يعوضج ويفرج عنج همج وكربج
    والله انا حاسه فيج
    تدرين ليه انا طول عمري منعزله عن الناس والبنات و اهلي
    وكنت اكثر وحده انطق في بيتنا كنت لما افرق امي وابوي من هواشهم كان الطق كله على راسي
    وايام كان يشيلني فوق ويحذفني في الارض والله ايام كل مااتذكرها ابكي ومادري هذي مشكلتي اللي خلتني عصبيه وبصرعه اتهاوش وخاصه مع اخوي اللي ذبحني طق ايام كنت اروح المدرسه ووجهي كله كدمات وبقع زرقاء وبنفسجيه على اي شي يهاوش ويطقني مو بيدي انا صرت عصبيه من اللي سووه فيني والكل يقول عني معقده

    واسأل الله العظيم يعوضج خير على اللي حصل لج
    وارجوج ادعيلي الله يرزقني الزوج الصالح اللي يخاف علي ويخاف الله فيني وبار بوالديه
  4. @albdr_akblt

    لمار

    انتي الحين تقولين هالكلام لأنك مجروحه بس ياحبيبتي مهما كان هذول اهلك
    حاولي شوي تهدين الأمور وتجنبي النقاشات الحاده بس لاتتركينهم وتعزلين نفسك بغرفتك
    حبيبتي كلنا نمر بضغوط نفسيه وهذا مايعني اننا مرضى نفسيين...
    رتم الحياة السريع خلانا بضغوط طول الوقت

    انا انصحك تريحين نفسك وتطلعين من هالجو المشحون
    اقضي وقتك بشئ تحبينه زوري صديقاتك واعزميهم عندك
    وتعودي تكتبين بورقه مشاعرك السلبية عشان تتخلصين منها اول بأول

    وانصحك بالـ Pure chocolate
    اللي هو الشوكولا النقيه اللي بدون اضافات لونها غامق وطعمها يميل لمروره
    بس فيها ماده ترفع المزاج وتحسن المزاج وتقاوم الأكتئاب

    وبالنسبة لأطفال لاتخلين انفعالاتك سلاح يستخدمونه ضدك الأطفال
    افرضي احترامك بدون شده
    لو انفعلتي فأنتي تقولين للطفل سهل عليك تغيظني والأطفال دايم يستثيرون الأنسان الأنفعالي
    اما لو كنتي هاديه صديقني بيحس ان محاولاته فاشله ولاراح يحاول ان يغيضك
    لو قال كلام مو اوكي خليه عنك وتمسكي بهدوءك
    لان مافي فايده من الغضب

    اتمنى تعيدين ترتيب علاقتك بالذاااااااااااااااااات مع امك
    قال تعالى : ( واخفض لهما جناح الذل من الرحمه وقل ربي ارحمهما كما ربياني صغيرا) ابدا لاتخلين اي شئ يدفعك انك تغضبينها
    او تزعلينها ومهما قالت او سوت...قولي لها انتي امي وانا اتحمل منك اي شئ
    والله مع الهدوء راح ترجعين المياه لمجاريها

    الله يوفقك
    ويسخر امك واخوانك لك

تابعي تجارب أخرى من هذا القسم.