تقدم لي متزوج وأنا عزباء.... أبي رأي الحكيمات؟

والله عندنا يطيرون بالثانيه فتره وبعدها يرجع للاولى
ويصير للاولى احلا من اول
وكثير يطلقون الثانيه
ومن جماعتنا فيه اللي استمر بزواجه الثاني لكن الغلا للاولى
وفيه كثير طلقوا الثانيه
واحد بس من جماعتنا اللي طلق الاولى وجلس مع الثانيه عشر سنوات ورجع الاولى
وهذا الكلام شي اشوفه من واقعنا ومجتمعي اللي اعيش فيه

ومشكله موفينا فيهم

انا زوجي والله يشهد على كلامي بعد ماخطب وملك طار طار طار فوق ماتتصور لدرجة اني ولا شي ويهددني بالطلاق

ولما سوا حفلة خطوبه ولبسها الشبكه بعد الملكه باسبوعين
اكل وحل وتغير ونفسيته دمار لانه لما شافها بالتلبيسه انصدم ماعجبته
وتغيرت معاملته معي صارت احسن من قبل الحفله
لكن للحين اعاني معه وحتى العروس اتوقع راح يطفشها عشان تطلب الطلاق
واذا ماجت منها راح يزفها ويطلع كل سي من عيونها





صاحبة الموضوع الرجال مو نفس بعض والحريم بعد مو نفس بعض

انتي استخيري والخيره فيما اختاره الله

واهم شي انك ماتفكري اطير زوجته الاولى او تحاولي تكرهيهه فيها
ولا تغاري منها لانك انتي فرضتي غصب عليها لو بكيفها لانتي ولا غيرك
انتي مخيره انك تكوني زوجه ثانيه
لكن هي اخذته على ساس انها لحالها وهو حطها امام الامر الواقع وتزوجك ومثل ماقلتي لو مااخذك اخذ غيرك
واذا تصرفت تصرفات تزعلك بداية الزواج اعذريها ترا من النار اللي فيها

والله يوفقك ويكتب لك الخيره

حبيبتي كل الي ردو عليك بعدم الزراج غير صادقات لأنهم لو وصلو سنك لا تزوج قوم دنيا وقعدوها الي ردو عليك كل وحده في بيت زوجها ومملكتنا حتى وان كانت غير سعيده. أختي مو كل من خذت اعزب مرتاحا في زوجتها ولا من خذت متزوج. اهم شتى التوفيق من رب العباد اطلب ربك واستخري اذا الامر فيه خير ربي يسره لك وان كان ما فيه خيره ربي صرفك عنه. وأبدلك بالي فيه الخير  زواج بصفه عام سوى اعزب او متزوج صعب مسوليه ومشاكل وحياه تحتاج تأسيس فيعني ودعي راحت البال والوناسه الي كانت في بيت اهلك. وانا اكثر وحده بصدقك القول لآني متزوجه متأخر وعمري 34 ومن واحد اعزب وكنت أقول متزوج ماراح أخذ  وأخذت الأعزب وحمد الله أكيد الحياه صعبه علي وعليه لانحن طويلان وحنانا عز ابيه  ومشاكل كثير بس تظل مشاكل.  على أني في بيت أهلي معززة ومكرمه ومستوى المادي أفضل بس والله حياه معه لها طعم بعيد عن روتين حياه العزباء

استخيري وبعدين لا تتطلعي على بعض الكلام الغبي من عقليه ناقصه الفهم .. انا زوجه ثانيه والان وحيده

وبقولك انا والحمد لله وربي يزيد ويبارك في سععععاده لا توصف .. واللي تقول يطلقك واللي تقول يقهرك واللي تقول ترضين وما ترضين خليهم على جنب اهم شي انتي مقتنعه ومرتاحه واستخرتي .. خلاص توكلي على الله .. ولا انتي باول واحده تتزوج متزوج ولا اخر واحده .. وبقولك الرجال مو سوا حتى الحريم مو سوا فيهم من يقبل ويكتم غيضه وفيهم من تموت وتغار وتنقهر وتطير .. بس انتي ونصيبك واللي كاتبه لك الله بيصير

اللي تقول الثانيه نزوه فهي اكبر نزوه في التاريخ .. وجعل زوجها يتزوج عليها عجلا غير اجلا

ويكون بمعلومك .. الثانيه هي امنيه وليست نزوه بس جات متاخره ..

استخيري مرة ومرتين وثلاث 
و فكري ، والله يكتب لك الي فيه الخير 🌹🌹